أحس بداخلي طفلٍ تمـرّد مـن ثـلاث شهـور ..

**ثابت الخطى** · 15-04-2015, 11:55 AM

إذا ماسالت عـروق الدفاتـر مانـي بمعـذور ..

تبي تشره عليّ كل الحـروف ويالله الخيـره !!

وأنا شاعر , وحبري دمعتين ودمّـي المهـدور ..

مع أن الرجل ماهو أي موقف عابـر يثيـره !!

سريت بخافقي والوقت عتمـه والنوايـا نـور ..

وأنا من وين ماسجّ القدم تستاحش الديـره !!

تذكرت الغرام اللي مضى والموعـد المهجـور ..

وباقي من مواويل الليـال وضحكـة منيـره !!

رحلت أسئل عن اللي له بنيت من الغرام قصور ..

ولاجاني سـوا صـدّه وتعذيبـه وتقصيـره !!

قطفت لحضرته كل الشعـور وباقتيـن زهـور ..

وذبْلت باقتيني والشعـور , وذي مشاويـره !!

سهر وهموم وأبياتٍ لها بين السطـور صـدور ..

حزينه والحزن شيٍ تمادى صعـب تفسيـره !!

كريمه يامعاذيره مثـل ماهـو بخيـل حضـور ..

بخيله يامواعيده , وش أكرم مـن معاذيـره !!

تحرّيته وهوّ الجايـر اللـي مايحب الجـور ..

ولكن ينكشف قبل الطعـون وقبـل تبريـره !!

دخيلك فكّ ( أزارير الصباح ) وطيّر العصفـور ..

تعب ينقش على غصن الضياع وفضّها سِيره !!

دخيلك مابقى للذاكره غصـن وشجـر وطيـور ..

ذبل ورد الطريق وماعكس نبض الغلا سيره !!

أحس بداخلي طفلٍ تمـرّد مـن ثـلاث شهـور ..

يعاندنـي ولكنّـي رضيـت بشـرّه وخيـره !!

أحسّه طيّر أسراب الحمام وخاطـري مكسـور ..

على جدار الألم يرسم بقايـا دمعـة طويـره !!

يقوم الصبح / وأتنفّس بقايا من سهرك عطور ..

وأصبّح قلبك الطيّب وتتضايـق عصافيـره !!

وأناديلك ولا كنّـي أنـادي / والأمانـي بـور ..

وينبت وجهـك بعينـي ولاتذبـل نواويـره !!

تعال وردّلي بعضي إذا عنـدك عـدل وشعـور ..

حرام أتعب ولا فقلبك أبد رحمـه ولا غِيـره !!

حرام أبقى كذا مالـي معـك دنيـا ولا دستـور ..

وأنا قلبي ومن مدّه يقول أرجوك شف غيره !!

تعب مثلي وصدره ضاق وأنت اللاهي المسرور ..

كذا يعني معاك نعيش هم وحسـره وحيـره !!

تذكّرني وأبي تذكـر بعـد أن الزمـان يـدور ..

وأنا بصبر عسى في تالية صبري معك خيره !!

أبسكت مثل مايسكت جريح بهالزمـن مقهـور ..

بعد خانوه خلانـه وخـاب اليـوم تقديـره !!

مدام أن الحكي فضّه / وصمتك صاحبٍ مغـرور ..

مدام الشعر للشاعر غـدا رغبـه وتقزيـره !!

آتمنىَ أن تروق لكم /

لـ أروآحكمْ [ رصيفٌ يعجُ بـ آلبيلسآن ]