الكلمه سلعه و القصيده لها سوق












أخذت منك الحسن و اللطف و الذوق
دقـيـت قلـبـي قـبــل مـــادق بـابــك


توني دريـت إن المشاعـر لهـا فـوق
الصمـت يـشـدو و المعـانـي تهـابـك


الكلمه سلعـه و القصيـده لهـا سـوق
و السوق يشري كلمتـه مـن عذابـك


أجـداد قالـوا كــل مـطـرود ملـحـوق
إلا المشـاعـر تنتـثـر فــي سـرابــك


علّقـت قلبـي فــي مخايـيـل معـلـوق
ينـزف و دمّـه يرتـمـي فــي تـرابـك


لعـل أرضـك تنسقـي مـنـه بالـشـوق
ينـبـت بـهـا قلـبـي يعـيـش بجنـابـك


حسّبـت فينـي كـل مـافـيّ مـسـروق
لقـيـت كـلـي منـطـوي فــي ثـيـابـك


مخلوق عشت بداخلـك حـب مخلـوق
ذبلـت فـيـك و فـيـك مجـنـون ذابــك


مخنوق حسي داخلي عشق مخنـوق
لا مـات عشقـي مـات جنبـك شقابـك