مزيــــــونتي في هرجها دلـــــــــوعه
لا من حكت فكري خرج عن طوعه

باسلــــــــوبها تذبح قليبــــــــــي دايم
لين استباحت خــــــافقي وضلــــوعه

من صوتها يُأخذ لحن بتهـــــــــــوفن
وأجمل أغاني السهره المشروعـــــــه

ما هــــــو دلــــــــــع متصنَعٍ متكلف
أصل الدلع منها وكــــــل فـــروعه

ف عيـــــــونها تجمع براءة وعفــــة
مع حســــن ضافي شدني موضــوعه

الرمش تل الــــــــــروح قبل الساعة
لين أصبحت من حضـرته مصروعه

جتني تشاورني ف لــــــــون الحمرة
قلت الورود ف وجنتـــــــك مزروعه

ترف ونقاوة في وسطــــــها شامـــه
خلت عيــــــــوني منها مفجــــــوعه

التــــــوت نابت في وســـــط شفَتها
والشهـــــــد منهن مصدره وينبوعــه

لا من مشت في مشيها تتبخـــــــــتر
كن الشـــــــوارع لجلها مصنــــوعه

فيها شموخ ملـــــــــوك ما قد شفته
مع هيبة السلطان وقت طلـــــــوعه

من حسنها غارت بنات الديــــــــرة
هي دانة وأمَـــــــورة المجموعــــــه

متميزة في كل شيءٍ عنــــــــــــهن
مكياجها / مع وردها / وشموعـه

احبها .... وتحبني يا عالـــــــــــم
واسمائنا في داخل الموســـــــــوعه

احبها // لآخر نفس من روحـــــي
لو هالقمــــر غيَر مكان طلوعــــــه