بعض البشر ضاع قلبه بين حب وضمير
واحتار ساقه ولا يبصر طريق الصواب
الحب حثه على دربي وجاني يسير
وفتحت للحب في قلبي مع الناس باب
لكن ضميره جعل ساق المحبه كسير
لاجل التقاليد والعادات سافر وغاب
خذى المشوره من اللي وسط قلبه سعير
اللي مصنف من العذال واهل الكذاب
حثه على البعد والفرقا ودربٍ عسير
واقفى وخلا فؤادي من فرقاه مصاب
والحمد للشافي الحيّ العليّ القدير
مادام قلبي تعافى من جروحه وطاب
وانا شموخي مخليني مع الناس امير
شامخ وراسي تعدى فوق هام السحاب
ماتبع دروب المقفي لو وفاتي تصير
حتى ولو عشت طول العمر حالي عذاب
اسمي وصيتي وقيفي مثل حد الشطير
ما ينثلم حد سيفي يوم قص الرقاب
افضل اعيش بالدنيا بليا عشير
شامخ واسج القدم صوب السعه والرحاب
رد مع اقتباس