الشوق مالـه عمـر , يفنـى وينعـاد

[الصممت هيبةة]

الشوق مالـه عمـر , يفنـى وينعـاد
له في الضلوع أن عاد وأن غاب رجفه


مع كل فرقا , له ورى الجفـن ميـلاد
وأن ماتت الفرقا لقـى الشـوق حتفـه


جيت أقتل الفرقـا مـن بـلاد لـبـلاد
مـلّ الطريـق يشيلنـي فـوق كتفـه


وأنا بعد مليت مـن كثـر مـا أرتـاد
هالشارع اللي كان لـك فيـه شرفـه


تظمأ عيوني شوفك , وتشبـع سهـاد
عيّا الزمن يقطـع ظماهـا بـرشفـه


لاوجهـك أسقاهـا , ولا ذاقـت رقـاد
ماغير طيفـك , طيفـك اللـي أعرفـه


كنّه ظبـي , وعيونـي ظـلال صيـاد
يجفـل قبـل يرتـد للجفـن طـرفـه


مشكلته أنه كـل مـا أشتقـت يـزداد
حتـى مـلا جـدران وقتـي وسقفـه


وأصبحت أشوفه فـأول الغيـم لاجـاد
وفـأقصى الشفق لاطاحت الشمس خلفه


وفي الأرض لانامت عقب صوت رعـاد
وفي كل شبـاك ٍ صحـت منـه درفـه


أتعبت طيفـك لـوم , واللـوم مافـاد
ويوم الأمل في شوفتـك مـات نصفـه


نويت أسافـر عنـك بجـروح ٍ جـداد
وعمر ٍ من أوراق الزمن حـان قطفـه


نويت , لكـن جابنـي الشـوق منقـاد
وجابك حنينك , والزمن سـال عطفـه


شفتك تبسّم لـي خجـل مـدري عنـاد
وفي نظرتك شوق ٍ من الظلـم وصفـه


حسيت كني طفـل , وعيونـك أعيـاد
ياعيدي اللي لـه ورى الصـدر رجفـه


سمّ اللقـا صدفـة , وأسمّيـه ميعـاد
أنا أنتظرتـك , وأنـت مريـت صدفـه

[بقايا طيف]

انتقاء مميز وراقي
ننتظر القادم بشوق
دمت وسلمت

[بقايا طيف]

انتقاء مميز وراقي
ننتظر القادم بشوق
دمت وسلمت

[رايق البال]

هلا فيك الصمت ..
كالعاده تتألقين دائما بإختياراتك العذبه والراقيه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[الرميثي]

نص جدا رائع
يسلموووو اختي ع الكلمات الراائعه ..
يعطيك العاافيه

[عملاق الشعر]

الصمت هيبة


نص في قمة الجمال
وذااائقة راقية كالعادة


سلمت يداك المبدعة وذوقك الراقي

[حبي خالص]

يااا سلام على اختياراتك الجميله
دمتي ودامت روعة اختياراتك عزيزتي

[الصممت هيبةة]

بقايا طيف تسسلمين عالمرور..

دمتي بخير ..

[الصممت هيبةة]

رايق البال تسسلم على المرور ولردكك الجمميل

دمت بخير ..

[الصممت هيبةة]

الرميثي تسسلم على مرورك العطر

دمت بخير ..