أساير الوقت وأثر الوقت يخدعني
يجمع حياتي من اولها وينهيها
وأجيه كلي امل والشوق يدفعني
ويحاصر احلام عمري لين يفنيها
والليل يحكي معي ويقول تسمعني
شوف النجوم اش كثرها وشلون تحصيها
ومن دون لا اشعر كذا احيان يسالني
وشلون تجرح فؤادك وانت تغليها
واقول ياليل تكفى لاتؤاخذني
الوقت ضدي ودنيآ عشت انا فيها
والحظ طعته وعيا لايطاوعني
خلاص عفت الحياه اليوم مابيها
من يوم راحت ودمعي دوم يفضحني
يهل دمعي اليمن مر طاريها
يادمع عيني دخيلك لاتعذبني
يكفي دروبك على خدي مواريها
للحب سلطه وحبك صار يملكني
واصبحت تامر على أيامي وتنهيها
يانور دنياي كيف اليوم تتركني
وتجبرني وسط الظلام سنيني اقضيها
لو لك معي شي كان اقول وش يعني
هذي حياتي عطوها ان كان تكفيها
المشكله كيف هي بالامس تذبحني
واليوم شافت جنازه ثم مشت فيها
خلاص اباارحل وابيك اليوم تسمعني
اسمع وروحي لهيب الشوق يكويها
لاجيت ابا ارحل دخيلك لاتودعني
لان وسط قلبي جروح ان جيت تحييها
رد مع اقتباس
!
المشاركة الأصلية كتبت بواسطة الصممت هيبةة
