من حلاته عيونه مثيرة
والحسن والزين له راعي

ما سكن قلبي انا غيره
هو حبيبي وفاهم أوضاعي

مستخير الله ولي خيره
في حياتي وشفته ذراعي

لو بعد لو مده قصيره
ضاق صدري بين إلاضلاعي

هل دمعي وعيني سهير
يمر ليلي وينقضي واعي

والعمر تحلى مشاويره
مع حبيبي زين الاطباعي

راضي بشره وانا خيره
ولي شراته محال يباعي

هو جميل بكل تصاويره
بو عيون دعج ووساعي

شعور قلبي بيده يديره
في بحوره رافع شراعي

والهوى تتعب بحاحيره
خص كان الدان بالقاعي

روف بي يا طيب السيره
وخل قلبك يالغلا واعي