راحت وقالت لي اشوفك !! على خير
ومن (عقبها) ماشفت للخير بينه !!
قبل أمس نرسم للملامح تعابير
واليوم كل (ن) راح يلعن . سنينه
حزني وجرحي غير وفراقها غير
الموت واحد والنهايه غبينه
واشيب عيني يابدر توي صغير
شاعر اسى عايش ظروف ٍ لعينه
ماعاد لي خاطر ولا فيه تفسير
غربة وطن .. صوت.. وصداي .. وآنينه
وش اوصفه لاصار صرخة مقادير
نموت نحيا والأمُاني دفينه
لحظه بها ضاع الامل والمشاوير
والشك موجه يسطفق بالسفينه
جتني وقول بخاطري ياعسى خير
بعيونها موت وملامح .. حزينه
شدة يديني وسئلتني وش يصير
لارحت .. تنسى بالمحبه سجينه
قلت أنشدي فاقد عيونه عن ُاًسير
هذا انا في (غيبتك) .. تنشدينه
لاقوم لأامشي ولا قادر... أًطير
غصب ... عليه عالمي تحكمينه
واقفت وشفت الموت قدآمي آصغير
وحزن الفراق أجتاح صدر المدينه
راحت وقالت لي اشوفك على خير
ومن عقبها ماشفت للخير بينه !!
رد مع اقتباس
المشاركة الأصلية كتبت بواسطة الرميثي
