عزِّتي " تقدر تِسَمِّيها : النخيل...لأني شامِخ .. والعواصف قاتِلَهـ

[مجنونك ما يخونك]

قول عادي .. بالي الليلهـ طويل ..
............ شُوف لِك عذرٍ قديمٍ / وأقبِلَهـ !!


لا تحاتي ...قلبي مِتعَوِّد يشيل ..
............. ( الجُروح ) اللي تجي له مُقبِلَهـ ..


" طيبتي " صارت مثل ( كف البخيل )
............ أيِّ شَي طايح .. تِشُوفـه ؟ تحمِلَهـ


و " عزِّتي " تقدر تِسَمِّيها : النخيل
............لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..
............ الحزن : يحْسِبني واحد مِنْ هَلَهـ !!


ومو غريبه .. لو ( تِمَنِّيت) الرحيل
............. البقاء أحيان , يعني .. البهذلَهـ !!


في غيابك .. ما لَهَا {الضيقهـ } مثيل ..!
.............وربِّي اللِّي .. ما يشاءهـ , يفعلَهـ

مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ

وعيب [ راسي ] لا بغى شي " مستحيل "
.............. يوصلهـ مو طيب .. غصبٍ يوصلَهـ

ليه راجع ؟!ليه ذاكر ..؟يـ الأصيل ..؟؟
................ إنت( ضايق ).. ؟!في خطأ بالمسألَهـ !!

وليه تبكي مِنْ كلامي يـ الدخيل ..؟
............... {المشاعر} .. ما لَهَا بقلبك صِلَهـ؟!

و( البلا ) .. إن حَبْ أنسان " ثقيل "
.............. ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
.............. ولو بكيفي .؟ ( قلبي ) محدٍ يدخلَهـ
ومِن عرفتِك .. حظِّي العاثر يميل ..
.............. أعترف لِكْ إنِّي ( عاجز ) أعدِلَهـ !!

[ فاقد ] الإحساس / ما يعطي القليل
............... وإن عطيته إحساس قلبك ؟ يقتِلَهــ !!

إيه بـ (أرحل ) والطريق أدري .. طويل ..
............... مشكلهـ " قربك " .. وبُعدِك مشكلَهـ .!!.

وإن [ خذاني ] المُوت إترك قالٍ وقيل ..
..............قول هـ الجُملهـ .. وخطاك(أمحلِّلَهـ )


[ ربِّي ألهَم أهلهـ الصَبر الجَميل ..
............... وإرحمـهـ يا رب وإحسِن مدخلَهـ ].!

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[رايق البال]

هلا فيك مجنونك ..
لا جديد عليك هذا التميز ولابداع
الف شكر لجهدك واختيارك وتفاعلك الجميل
طابت صباحاتك ...
( نص يستحق النجوم الخمس)

ملاحظه :
ارجو رفع نصوصك التي تم التعليق عليها من قبلنا ومن قبل الاعضاء تقديرا لمرورهم عليك وليس فقط الاكتفاء بإدراج نصوص جديده ..

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[أزهار الكرز]

أبدعتي ف الانتقاء أختي

[عملاق الشعر]

مجنونك


نص راائع جداا اختي


سلمت يداك المبدعة وذوقك الراقي