(شرطية مرور)
شـغـلي اللواح رجوه ووقفيني
والوثـايق لك بقـدمهـا بـسـرور
واكتبي اني بعكس السير امشي
واتهميـني اننـي مـجـرم مــرور
وجـمـعـي كل القضايا واذكريها
واني طايش كـبـريا كلي غـرور
وحـددي كـل الـمـواد وفـصـليها
واكـدي انـي مخالـف بالـحـظور
وان طـلبتـي مني التـوقيع ببصم
بـس بغيـتـك تكـتبي اسمـك بدور
مـا اراهـن يا الغـلا لـكن عرفتك
لأني شفت البدر من وجهك ينور
والـثـريـا تسـتحـي والـنجم تـايه
والقـمـر يبكي ويـندبــه السـحور
والشمس غضت طرفها لك وقالت
آه مـن عـيـنٍ ارى فـيـهـا غـــرور
كـلـهـا الاجـرام خـرت لـك وهـابت
مـن عـيـونـك انـتي شـرطية مرور
عيسى اليماني
محضار عمان
موقف استحضرني وانا في مسقط العامره
كل الشكر للعيون الساهره
رد مع اقتباس
