يسعد صباحكم / مساكم
هلا بالجميع ...
ولقاء آخر يجمعنا ايها الاحبه واتمنى ماراق لي يروق لكم ...
كـل عام يمرنـي وأنته عن عيوني بعيد
بالحزن..! (أستقبله) و(أصافحه) و(أودعه)
وكل عام (أترجم أحساسي) من فراقك قصيد
وأقول ياليت القصيد اللي كتبته (تسمعه)
عل وعسى تشتاق لي .. والشوق في قلبك يزيد
لادريت أن الجروح بقلب ( خلّك) موجعه
ياكثر من قال (خلّه) والمحبه ماتفيد
وياكثر ماقلت (أحبه) .. من يجيه ويقنعه ..؟!
علموه أني ذكرته بأول العام الجديد
تكفو من يقدر عقب ماغاب .. لي إيرجّعه .؟
أشتاق له كثر أشتياق (الجد) لعناق (الحفيد)
وأتحمله كثر أحتمال (السد) موج (ن) يدفعه
وأحتاج له كثر أحتياج القلب دايم للوريد
وأنفعه مثل العشير اللي عشيره ينفعه
ذاب قلبي في غيابه مثل ماذاب الحديد
يوم ولّعني وخلا نار قلبي مولعه
أشهد أنه مارحمني يوم خلاني وحيد
طاوعه قلبه يغيب .. كيف قلبه طاوعه .!؟
ماسمعت .. ألا .. شطر .. ويحـّرك شعور البليد
(ضاقت الدنيا بشاعر طيب قلبه ضيعه)
آتمنــاه .. وأريـــده (والله يفعل مايريد)
وكان مكتوب الغياب.. شـ حيلتي .؟ و كيف أمنعه ..؟
علموه أني (فقدتــه) ياعسى عامه سعيد
وعلموه أن (القصايد) فـــي غيابــه تتبعـــه
كل عام يمرني .. يالأسف .. مامن جديد
بالحزن (أستقبله) و(أصافحه) و(أودعه)
طابت صباحاتكم ..
اخوكم / رايق البال
رد مع اقتباس