لمسته ياهي حنونة يلمس الطفل وينام
====== مرة جاء يلمس أيديني وضاعت أعلومي بيديه
مشيته إيقاع هادي حالة بحال الحمام
====== قلبه ابيض من نهار طيبته منة وفيه
‏كلمته تهتز فيني كل حرف له مقام
====== كل جملة من كلامه تزدهر دنياي فيه
كل نظرة من عيونه كنها ل وسام
====== كل بسمة من شفاتة تقهرا للي مايبيه
بس فيه برود طبع يقلب الدنيا غمام
====== يوم اجبه بشوق ميت وهو بروده محتويه
والله إني مااحبة وين هذاك الكلام
====== والله أني ماهويتة ياه قليلة احتويه
كم سمعت الكلمة هذي ومرت مرور الكرام
====== ماتعبرعن غلاته ودي بشي ابتديه
والله أني من عشقته مالقيت له إي كلام
====== كل لغة في الكون تعجز تبتدية وتنتهيه
بعد كل إلي ذكرته اللي مثلي هويلام
====== وش أسوي القلب شافه قال ياويلي أبيه