إِعْذِرِيْنِيْ,,

كِثْرِ مَاْ هَزِّ الْوَجَعْ:
"أَغْصَاْنِ طِيْنِيْ"

وِاتِّسَاْقَطْ فِيْ (أراضي )الْحِزْنِ فَرْحِيْ
إِعْذِرِيْنِيْ:

كِثْرِ مَاْ (نَبَّتْ) غِيَاْبِكْ:طَلْعِ جَرْحِيْ,,كِثْرِ مَاْ
لَطَّخْ غُرُوْبِكْ وَجْهِ صُبْحِيْ,,

إِعْذِرِيْنِيْ:
مَاْ نِشَفْ جَرْحِكْ بَعَدْ مَــ انْتِيْ حطبتيني
شِتَاْتِ يْشِبِّ فِيْ موْقِدْ شَرَاْيِيْنِيْ

وِأَغْرَقْ فِيْ غَسَقْ بُعْدِكْ,,وَانَاْ تَاْيِهْ,,,أَدَوَّرْ فيْ
بِلادِ الْجَرْحِ مَوْطِنْ/ إِيْهِ تَاْيِهْ

وَانْفِثَ أَحْلامِيْ
عَلَىْ وَجْهَ الْعُمُرْ,,أَسْكِبْ رَحِيْلِكْ فِيْ
تِجَاْوِيْفِ الصَّبُرْ,,وَاعْزِفْ:علىْ جِسْرَ المَسَاْ

قيِثَاْرَةَ الذِّكْرَىْ ضجر,,وَازْرَعْ عَلَىْ أَرْضِ الأمَلْ
يَأْسِيْ وَاغَنِّيْ لِكْ,,



أَلا يَاْ:




جِرْحِيَ النَّابِت عَلَىْ صَدْرِيْ: فِتِيْلْ
مَاْ تَرَكْتِ النُّوْرِ يَعْـبُرْ إِكْتِئَاْبِيْ

لِيْنِ صِرْتِ فْـزَحْمَةَ اشْيَاْئِيْ أَسِـيْلْ
وِامْتَلَىْ وَجْهَ الشُّوَاْرِعْ بِـــ اغْتِرَاْبِيْ

مَاْ بَذَرْتِ الْحِــزْنِ فَــعْيُوْنِ السَّبِيْلْ
لَوْ سِقَتْ غِيْمَاْتِكِ الْعَذْرَاْ تُـرَاْبِيْ

لَـكِنِ الْلِيْلَهْ عَلَى كْتَاْبِ الرَّحِيْلْ
حَاْضِرَهْ فِيْنِيْ وَجَعْ يَرْوِيْ عَذَاْبِيْ

وِانْصَهَرْ صَبْرِيْ وَانَاْ وَجْهِيْ يِمِيْلْ
لَلْضَيَاْعِ الْلِيْ كِسَرْ مِعْصَمْ شِبِاْبِيْ

لِلْعَرَىْ وِالرِّيْحِ وِدْمُوْعِ الْأصِيْلْ
قِصَّةٍ سَاْلَتْ عَلَىْ دَفَّــةْ كِتَاْبِيْ

ذَاْبَتَ اقْدَارِ الْمَــشَاْعِرْ :مُسْتَحِيْلْ
"يِنْوِلِدْ غِيْثِ السَّعَاْدَهْ مِنْ سِحَاْبِي"

تِعْبِتِ اكْتَاْفِ الْعُمُرْ جَرْحِيْ تِشِيْلْ
يَالْمِدِيْنَهْ مَاْ جَبَرْ صُبْحِكْ مَصَاْبِيْ

وِالْتُوَىْ غُصْنِ الأمَـلْ بِيْ وِالدِّلِيْلْ:
هَــالْفَرَاْغِ الْمِنْسِكِبْ دُوْمٍ عَــ بَاْبِيْ

يَاْ فُرَاْتِ الْجَرْحِ فِيْ ضِلْعِ الْقِتِيْلْ
شاْخَتَ احْلامُ وْأَمَاْنِيْ في حِسَاْبِيْ

وِشْ يِفِيْدِ الْغِيْثِ لَوْ مَاْتِ الْحَصِيْلْ
دَامِكِ فْعِيْنِ الزِّمِنْ غِيْمَةْ سَرَاْبِيْ