أطراف ليلي جليد وشـوق قلبـي جمـر
وكفوف صمتي تقلّب وحدتـي والحنيـن
الصبر حافي أمل علـى طريـق العمـر
يقظم أظافر حنينـه مـن يديـن السنيـن
واحساس ثاير تمرّد مثـل مـوج البحـر
تعانـق شفـاه مـدّه صبـح عيّـا يبيـن
تعال واغرس غيومـك بالسمـا وانهمـر
اروي ثرى الشوق حتى تزهر الوجنتيـن
واعصر من كروم قلبي كاس حب وخمر
تنسى معاه العنا وانسـى معـاه الأنيـن
تعال غمّض جفوني نـام فيهـا السهـر
وصبّ الدفا من يدينك فوق برد الجبيـن
من ما راق لى واتمناه يروق لكم