تحتار في وصفك جميع المكاتيـب
يا اللي جمعت أجمل خصال ومزايا*
روحك وقلبك طيب يا منبع الطيب
وعينك غدير عيوني اللي ظمايـا
كل الجروح تطيب والخافق يطيب
في شوفتك تشفي الجروح الخفايا
رفعت نفسك عن جميع الألاعيـب
ونزّهت قلبك عن جميع الخطايـا*
جنبّت نفسك سكة الـذل والعيـب
الله يحفظك عـن دورب المنايـا*
الجرح منّك مثل عذب المشاريـب
وعندي تراه أجمل صنوف الهدايا*
أحدٍ يحبك يا غلا الروح ويخيب ؟!
من حب مثلك ما التفـت للبرايـا*
حبيب قلبي لا يجي يـوم وتغيـب
لأنك سكنت العين قبـل الحنايـا*
ما خاب حظي معك لا والله يصيب
ألقاك عندي فـي جميـع الزاويـا*
أسلوبك اللي مختلف في الأساليب
يشدّني لا شـك مـا لـه حلايـا*
أشوف طيفي في عيونك تراحيـب
وما عاد أطالع في عيون المرايـا*
بنيت في صدري قصور ومحاريب
ملكتهـا وأنتـه زعيـم السرايـا*
حبك مع الأيام مـا زاره الشيـب
شباب وأنا أبقى عنـود الصبايـا
رد مع اقتباس
المشاركة الأصلية كتبت بواسطة ندى الوورد
