ســـجـلـت فـي قلبي دخــولك على طــول


*تسجيل دخول*
سجلت في قلبي دخولك على طول
وغنت جروح القلب فيكم نشيده

*كلمة المرور*
وكلمة مرورك جابها منك مرسول
وبدلتها وارسلت كلمه جديده

*ملف*
واصبح ملفك داخل القلب معزول
وحفظت به من دم قلبي قصيده

*تحرير*
وسويت لك تحرير عن كل مجهول
متوسط بين الخفوق وريده

*عرض*
وقدمت لك عرض من القلب منقول
لاجل اثبت ان روحك بالضماير وحيده

*المفضله*
وبمفضلة قلبي عن الغير محمول
ما اضفت غيرك ياللي اطباعك فريده

*الخلف الامام*
وللخلف لو ترجع ترى الخلف مقفول
رح للامام وفك صفحه جديده

*عنوان*
واكتب على العنوان للغير مشغول
حنا سكنا وارسل لي في بريده

*تسجيل الخروج*
ســـجـلـت فـي قلبي دخــولك على طــول

وان كان ودك تترك القلب مشغول
سجل خروج وشب فيني وقيده

*ايقاف*
وان شفتني هالك على الدرب لا حول
اضغط على ايقاف واقرا القصيده

*تحديث*
واضغط على تحديث وتشوف مدلول
وكل الكلام اللي قريته تعيده