مــا يلومك في فــــراقي غير ظل ْمرايتك
كل ما عينك تـــــلاقت مع طيوفي عبرها
لامتك ثم استكـــــانت ثم عـــــادت لامتك
كنّها تقرا جــــــــروحٍ في وريدي سرّها
تحسبيها بك تحس أو هي تقــــدّرنظرتك؟
أو على حد التـــــــزيّنتآمنينه شـــــرّها؟
هالمرايه اللي أتّحكم في طـــــريقة وقفتك
في جلوسك وإلتفاتك ..كل شـــي ٍ بأمرها!
لا تشوف ولا تحس ولاتعبّـــــــــر فتنتك
لا بضحكاتك تهلّي ..لابكـــائك ضـــرّها
من بعد ما أنتي اشتريتي اشتَرتْك وباعتك
للهجوس اللي بحرها فاض وأغرق برّها
يا سجينة هالمراية ما هي ْسجينتك
لو قريتي نبض قلبي لأستخرتي كسرها
يوم حتّى عين الأعمى في قصيدي شافتك
وين يمكن هالمــــرايه ينتهي بك جهرها؟
شامتك لو تلمسيها تجـــــــــرحيها شامتك..
ويش يمكن هالمرايه تخبرك عن سحرها
تقدر اللي قلت فيها لك تقول ْ زجاجتك؟!
تقدري بلمسة يدينك تشعلينه فجــــــــرها؟!
تذكريني يوم قلت أنالظـــــلامْ بوجنتك
شق نور ٍ فاق ضي الشمس وأخجل نورها؟
هالقصيد اللي ْبيميني بس هـــــذا ْمرايتك
جربي شوفي عليها وأقري سحرك عبرها
رد مع اقتباس