والله بدينا انخاف من كل شي ؟؟؟

[مجنونك ما يخونك]

مراحب اخواني وخواتي


جبت لكم موضوع لاني مستغربه شو صار في هالبلد والله عمرنا ما كنا نسمع عن الجرائم كذا بلا رحمة الحين وايد اسمع قبل اسمع الرجال يقتل زوجته الحين حتى حريمنا صارن مجرمات ليش ع ما اعتقد سمعتواعن جرائم كثيره في الفتره الاخيرة اهني في عمان ليش حشى ما شي رحمة في قلوبكم الحين اخوان يتقاتلوازوجة تقتل زوجهااا بلا رحمة ليش يعني نسينا ربنا يعني هو راح ياخذ حقك اذا انتي مظلومة مو لازم ترتكبي جريمه شنيعه مثل هذي انتي قلبج ما عورج يوم قتلتي زوجج حشى ما ادري شو صاير بضبط هالايام هالبلد عمرنا ما كنا نسمع عن هالسوالف يمكن في سنه مره ولا بعد سنوات لكن الحين شهريا ليش يا ناس ليش ...


مجنـــــــــــــــــــــــــــونك

[احساس روح]

صحيح
الجريمه الاخيره غريبه على مجتمعنا العماني
وما كنا نتوقع ف بلادنا يصير كذا
سبحان الله

[يحيائي10]

السلام عليكم ...

والله بنسمع كثير مثل هذه الجرائم اذا تخلينا عن الشرع الحكيم واتبعنا هوى النفس والشيطان
نعم للأسف هذه الجرائم بدأت تظهر



نسال الله الهداية لنا ولعامة الناس

[Raba]

يصير غاليتي روحي السجون وتعرفي ان في جرائم اشنع من كذا نساء ورجال حتى على صحون ومواعين يتقاتلن ،،، بس كان يتم التستر عليهم ما في واتس ووسائل توصل هالمعلومات خارج القرية لكن الحين حتى تتنفس فبيتك ما تقدر عاد منشور ،،،
تحياتي لك

[القعقــــــاع]

يصير غاليتي روحي السجون وتعرفي ان في جرائم اشنع من كذا نساء ورجال حتى على صحون ومواعين يتقاتلن ،،، بس كان يتم التستر عليهم ما في واتس ووسائل توصل هالمعلومات خارج القرية لكن الحين حتى تتنفس فبيتك ما تقدر عاد منشور ،،،
تحياتي لك

السلام عليكم

أتفق مع هذا الرأي ، مواقع التواصل كالواتساب وتويتر والفس بوك والمنتديات عملت ضجة كبيرة لأي قضية تحصل .

[مجنونك ما يخونك]

بس والله هاي الجريمة يلي سمعتهااا صراحة اخر وحدة كيف ادفني زوجج كذا والله شو صار في هالبلد
كل جرائم ومشاكل والله

[فِدَىْ قَابُوسٌ المُعَظّمْ]

بس والله هاي الجريمة يلي سمعتهااا صراحة اخر وحدة كيف ادفني زوجج كذا والله شو صار في هالبلد
كل جرائم ومشاكل والله

وين ها الجريمة واقعة؟؟

الله يستر بس ونسال الله السلامه

[،إستثنائي،]

اصحاب النفوس الضعيفه وعديمين الايمان والخوف بالله يفعلون اي شي

دمتي بوود اختي

[seajie]

شي متوقع .. بعيدين عن الله .. (الذكر وحده لا يكفي .. يجب العمل معه) .. اهتموا بالدنيا .. فأصبحت قلوبهم شبيهه بالحجارة ... وكما نرى في مجتمعنا الحالي فالرحمه قلت .

قال تعالى : (ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ ۚ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ ۚ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ ۗ وَمَا اللَّهُ بِغَافِلٍ عَمَّا تَعْمَلُونَ) سورة البقرة الآية (74)

قوله تعالى : ثم قست قلوبكم من بعد ذلك القسوة : الصلابة والشدة واليبس وهي عبارة عن خلوها من الإنابة والإذعان لآيات الله تعالى .

شكراً للطرح .. تحياتي لك

[مائة بيسة]

في كل مكان يوجد الصالح والطالح والخير والشر
ندعو السلامة للجميع...