لو انادي صوتي الموجوع هادي
وصرختي كانت مدينه من سراب

كالسحايب تنتثر في كل وادي
لا هملوها الناس يجنيها التراب

قلتلك يا صاحب الراي الحيادي
القبر مشتق من فكرة غراب

هدي بالك وانتظر كبوة جيادي
حتى صدر الصبر له مليون باب

لو قدحت بوجه اعدائي زنادي
كان طاحوا دون طلقاتي قراب

ولو انادي كل من هو مر غادي
كان دمي هدر في عين الحراب

الثعل متنعمه وسط البوادي
بس عمر الثعل ما تنتج ذياب

لو بغيت انده على مارد عنادي
قمت اقرى في تجاعيد اليباب

صاحبي والليل لا حرمني رقادي
طاب لي عن لذته درب الغياب

وكل ما مريت في ديره انادي
اغترابي اغترابي اغتراب!!

أحمد المعمري😞