زوجوه يمكن يعقل

[بدر الدجى]

صباح / مساء الخير
أهلا بالجميع

أحبتي رواد سبلة حواء موضوعنا واضح من عنوانه
طبعاً دائماً نشوف شاب من النوع المستهتر وراعي خرابيط وسهر لآخر الليل وتخميس ويدخن و.....
ورافع ضغط امه وابوه ومايسمع النصيحة ودائماً نسمع رأي أهله والمجتمع بعبارة ( زوجوه يمكن يعقل )


في هالحالة.......

هل الزواج هو الحل الأنسب لهذا الشاب؟؟؟

أخي الكريم /
انت لو واحد منهم (لاسمح الله) بترضى تتزوج وانت تدري انك مو كفو زواج ومو قد المسؤولية ؟
ترضى على اختك تتزوج واحد مستهتر وتقنعها انه بعد الزواج بيتعدل؟

أختي الكريمة /
ترضين تتزوجي وتغيري هالنوع من الشباب؟؟؟
لو عندج أخو من هالنوع تشجعينه على الزواج ؟؟؟

بإنتظار تفاعلكم ......

[هاجس الوجدان]

هل الزواج هو الحل الامثل لهذا الشاب؟؟؟؟؟؟
طبعا ف راي لا
ترضين تتزوجي وتغيري هالنوع من الشباب؟؟
طبعا لا ما ارضى...لانه صعب تغير من هذا النوع اذا هو ما عنده قناعه وبالتالي انا ابتلش فيه

لو عندك اخو من هالنوع تشجعينه ع الزواج؟؟
لا لانه الزواج ما لعبه..والزواج عشره عمر

[حنااايا..الروح]

في مثل عماني يقول
(الي ما يهديه الرب ما يهديه القب)
معناه الي الله ما جاعل له هداية مستحيل يستكين ويتسنع ولو ضربته ليل نهار

والزواج مشروع مستقبلي خطير..محتاح للتاني..ومافي مجال للاحتمالات
يمكن في ناس عدلها الزواج وقيمها..بس مستحيل نعمم هالتجربة او نتخذها قاعدة
لذلك انا ارفض زواج الشباب على امل انه يتعدل ويعقل
في اشياء بسيطة ممكن نتساهل فيهاا..مثل السهر المعقول
بس اشياء ثانية لا مثل الشرب والتهاون في الصلاة والكذب المفرط
الزواج علاقة انسانية مبنية على تحمل المسؤلية التعاون مش على ضربة حظ
اواحد الشي الي ما يرضاه في غيره لا يرضاه بنفسه
وكثير بنات تعاني اليوم من ظلم الاهل انهم زوجه لعل وعسى يعقل
ومرت الايام وهو لا عقل ولا عنده خبر ..
يقولولها جيبي له ولد بيعقل ..وتتعقد الامور زيادة

وهو لا وظيفة ولا حس مسؤلية ...وعاد الزوجة مجبورة تعيش
على صدقات الاهل والعطايا عشان تعيش اولادها
وعلى فكرة..
الظلم ما يكون دايم من اهل الزوج ..أحيانا اهل الزوجة يكونوا مشتركين فالظلم
يعرفوا أن الزوج ما منضبط ولا حمل مسؤلية بس لانه ولد عمها او قريبها قالوا زوجه بتستر علية وبتعقله

وهيك الامور

ودمتم سالمين

[♡سدرة المنتهى♡]

دام الشخص ما بيتغير من نفسه ما بيغيره لا الزواج ولا غيره ..
وانا ما ناحيتي مستحيل اقبل بشخص مثله واذا كان لي اخو كذا انا اول وحده بكون معارضه على هالشي ..

[بدر الدجى]

هل الزواج هو الحل الامثل لهذا الشاب؟؟؟؟؟؟
طبعا ف راي لا
ترضين تتزوجي وتغيري هالنوع من الشباب؟؟
طبعا لا ما ارضى...لانه صعب تغير من هذا النوع اذا هو ما عنده قناعه وبالتالي انا ابتلش فيه

لو عندك اخو من هالنوع تشجعينه ع الزواج؟؟
لا لانه الزواج ما لعبه..والزواج عشره عمر

رد جميل
أسعدني مرورج العطر غاليتي

[فجر المزون]

في مثل عماني يقول
(الي ما يهديه الرب ما يهديه القب)
معناه الي الله ما جاعل له هداية مستحيل يستكين ويتسنع ولو ضربته ليل نهار

والزواج مشروع مستقبلي خطير..محتاح للتاني..ومافي مجال للاحتمالات
يمكن في ناس عدلها الزواج وقيمها..بس مستحيل نعمم هالتجربة او نتخذها قاعدة
لذلك انا ارفض زواج الشباب على امل انه يتعدل ويعقل
في اشياء بسيطة ممكن نتساهل فيهاا..مثل السهر المعقول
بس اشياء ثانية لا مثل الشرب والتهاون في الصلاة والكذب المفرط
الزواج علاقة انسانية مبنية على تحمل المسؤلية التعاون مش على ضربة حظ
اواحد الشي الي ما يرضاه في غيره لا يرضاه بنفسه
وكثير بنات تعاني اليوم من ظلم الاهل انهم زوجه لعل وعسى يعقل
ومرت الايام وهو لا عقل ولا عنده خبر ..
يقولولها جيبي له ولد بيعقل ..وتتعقد الامور زيادة

وهو لا وظيفة ولا حس مسؤلية ...وعاد الزوجة مجبورة تعيش
على صدقات الاهل والعطايا عشان تعيش اولادها
وعلى فكرة..
الظلم ما يكون دايم من اهل الزوج ..أحيانا اهل الزوجة يكونوا مشتركين فالظلم
يعرفوا أن الزوج ما منضبط ولا حمل مسؤلية بس لانه ولد عمها او قريبها قالوا زوجه بتستر علية وبتعقله

وهيك الامور

ودمتم سالمين

كلام سليييييييييييييم ابدعتي بالرد

[مائة بيسة]

هلا حبوبة موضوع وايد حلو وحاصل...لو انا مابرضى ابد
واذا بعد الشر اخوي من هالنوع بكلم اهلي ان هالحل مو مناسب وبقنعهم اكيد

[آرثر]

'

عجبني الموضوع زين كان حد بيزوجنا هههههههه

عموما انا انصح كل البنات ماشي منه هذا كلام ولا تصدقي انه بيعقل بعدين تراه اطا طاح فاس ف راس ماشي فايده بعدين تصيحي وا لليلاه.. الي طول عمره ما نافع حال شي ما بيتعدل عشانك انتي فليله وضحاها ف الحذر الحذر يوم يسالو اهلك عنه
مب مهم سيرت اهله كثر مب مهمه سيرته ركزي عليه هو بقوة وعنف ...


اسعدكم ربي على طرحكم

[ملهم]

انا اشوف الحين صار بالعكس

الي ما متزوج عاقل ومرتاح وياكل فراخ وجالس رجل على رجل


والي متكوز ومتزوج مجانين صايرين

[أميرة الروح]

في رأي الشخصي البسيط إذا كان الشاب مثل ما قلتي مستهتر فالزواج أكبر مشكله له هو قبل يكون على الزوجة (الضحية) لأنه باقي في راسه مثل ما نقول حنا ( حب ما انطحن) يعني اذا ما فيه اصلاح لنفسه قبل الزواج فالقضية راح تكون أصعب بكثير عليه بعد الزواج لأنه حر نفسه ولا فيه رادع له من انه يقوم بفعل اي شي طائش ... فجأة يكون مسؤول عن بيت وزوجة!! اول مشكلة راح تصير بينهم راح يطلق ولا يفكر في اي شي لأنه لسه على تفكيرة السابق وقراراته السريعة وبدون هدف .

لو عندج أخو من هالنوع تشجعينه على الزواج ؟؟؟
طبعا لا اشجع
والي ماارضى لنفسي ماارضاه للبنات الناس

كل الشكر لك عالطرح الرائع