رد مع اقتباسيا هلا فيكم اخواني الشعراء ويا هلا بالمتابعين
السموحه على الانقطاع .... قصيده جديده واتمنى تنال اعجابكم
اتريا ردودكم ونقدكم ...
يا حي شعري واللقاء يا حيّه
يوم المعاني .. كل ابوها حيّه
جينا نشرّف هالمساء البريمي
والله يجملنا ... ف هذي الجيّه
لجل الخواطر .... جيتكم متهوّر
امشي ع اخر حد .... للسحبيه
ما همني دوّار ..... او تحويله
او نقطة الشرطي .. او الدوريه
ما همني رادار ... خلف اللوحه
او كان في ........ سيارةٍ مرئيه
لو لا الشعر هاليوم ما شفناكم
الشعر جمّعنا / ف هالامسيّه
الشعر غايه ساميه .. محموده
واحساس نابع في شكل قافيّه
الشعر حاجه والسوالف حاجه
والناس تعرف ... هذي وهاذيه
وانا م اقول اني انا /المتنبي
لكن قصيدي كفو ... ميّه ميّه
مدري هو الجمهور وش يطلبني
يبغي غزل ولا يبي .... دينيه
ولا يبي مدحٍ يعانق شخصه
في حضرة السلطان صافي النيه
لكن قبل لا ابدي انا لي حاجه
ابغي تفاعل من هنا وهنيّه
ابغي النشاط اليوم عالي عالي
حتى يكسر كاشي الارضيه
وان جيت بمدح سيدي المفدى
شيخ العرب هو رجل الانسانيه
قايد محنك والمواقف تشهد
في وقتنا الحاضر وفي ماضيّه
و ي عمان ما غيرك ترانا نعشق
يا درة الاوطان ....... يا حوريه
قابوس زانك واعتليتي القمه
حتى غدى اسمك يشعشع ضيّه
للسلم انتي يا بلادي رايه
يوم العرب كلٍ حرب ف خويه
ويا شعري امدح دانةً مجهوله
من شكلها عرفتها حضريه
طبع التحضر والله انه واضح
علكه ونظاره .... كذا ورديه
دقة كعبها يا عرب موسيقى
مقطع تحدى عزف سيمفونيه
ولا الشفايف زينتها الحمره
والخد باقة ورد هولنديه
اركض وراها من حوالي ساعه
والفكر تايه والمشاعر عيّه
اشوفها وتصد عني مدري
مدري خجل مدري هي النفسيه
جلت ارحبي جالت هلا وتفضل
جلت الاسم جالت انا بدريه
جلت الصراحه قد اسرتي قلبي
قالت تكلم ياخي ب رسميه
لاني بعرفك ولا انته بتعرفني
خل الغزل عنك بعيد شويه
قلت الرقم قالت تفضل روّح
لا احشر عليك الحين هالكليه
ودرتها وانا ف صدري حسره
رجعت فاضي والقلم ف يديه
وفوق هذا يا عرب فاتتني
المحاضره الاولى مع الهنديه
يا هلا فيكم اخواني الشعراء ويا هلا بالمتابعين
السموحه على الانقطاع .... قصيده جديده واتمنى تنال اعجابكم
اتريا ردودكم ونقدكم ...
ا هلا بك اخي الشاعر الجميل عاشق البوادي ..
انت دائما رائع في نصوصك التي تطرحها ونتابعها ولكني واعذرني في هذا النص ارى انه بحاجة الى شيء من التركيز ليظهر بشكل اقوى ولتكون الفكرة ايضا واضحه كعادة نصوصك الجميلة .
واهلا وسهلا فيك ونتشرف بتواجدك بيننا هنا .
التعديل الأخير تم بواسطة صدى صوت ; 02-09-2016 الساعة 05:43 PM
سلام للقلوب الصادقة
المشاركة الأصلية كتبت بواسطة صدى صوت
يا هلا فيك اخوي
مرورك تشريف
ممكن توضح لي وش هي الاخطاء ف النص ؟؟
مثل ما تجول ...
محشوم عن الخطأ يا عاشق البوادي .. ما تكلمت عن اخطاء بالنص .. فقط كان كلامي حول التركيز على فكرة العنوان حيث ان عنوان النص يوحي الى انه نص وطني في حين اتي وجدت اكثر من فكرة وهذا شيء لا يسيء للنص او يضعفه .. فقط كانت مجرد وجهة نظر ..
سلام للقلوب الصادقة
اخوي هذا نص جمهوري
والنص الجمهوري في الغالب مضمونه عن عدة مواضيع وانت لاحظت في مسألة الانتقال من موضوع الى آخر ... كان انتقال سلس بحيث لا توجد أي فرق او خروج عن اطار الموضوع ...
وكثير من الشعراء الكبار يكتبوا على هذا النمط
شاكر لك مرورك
بالتوفيق .....
بعض آلامنا من حسن النوايا .
وفوق هذا يا عرب فاتتنيالمحاضره الاولى مع الهنديه !
ههههههههههههههههههههههههههههههههههههههههههههههههه
قصيده جميله أخي عاشق البوادي
رآقت لي ��������
يعطيك الله العافيه
بنتظآر جديدككء'
-
( وٰ إني قويه بـَ ؛ رب السمآء ).
إلا إنها نالت أبو الإعجاب
يا أخي حسيت كأني أمام فيديو كليب وعشت الجوووو
جميلة الكلمات بجمال روح صاحبها
تحياتي
ان كان بعض البشر نائب عن الجلاد
الصمت الزم وجنَب نفسگ الزلهـ
ما همني رادار ... خلف اللوحه
او كان في ........ سيارةٍ مرئيه
عجب جهز محفضتك شاعرنا تدفع المخالفات ههههه
قصيده رائعه تبين لنا جنون الحب
بإنتظار جديدك بشوق
ندى الورد كانت هنا
حتّى طبوعك غيّرت لي طبوعي
أنت الغلا والحبّ والشّوق والطّبع
تبي مكانك؟ قم وطالع ضلوعي
حرام أنك ما تفارق ولا ضلع.
ضوابط المشاركة