يا حكومه وفري كمين ريال

[ملهم]

بسم الله الرحمن الرحيم
مساء الخير
انا الحين مستغرب من شي بما انه الحين الوضع سي ويمر العالم بازمه اقتصادية في الوقت الحالي بس انا اتكلم عن بلادنا شو اريد في عالم انا راح اتكلم في موضوع عشان نوفر كمين بيسة مثل ليش نجيب مدرب يدرب منتخب عمان ونعطيه راتب زين مثل راتبه نقول اي شي 10 الف ريال شهريا مثلا افضل نخلي مدرب عماني يقود تدريب المنتخب واحنا عارفين يا شباب حتا لو جبنا ميسي يدرب منتخبا او جبنا ماردونا يدرب منتخبنا ما راح يسوي شي ولا راح يحقق بطولات لا عالمية ولا اسيويه خلينا واقعين فقط جالسين نخسر فلوس دولة على الفاضي في معسكرات خارجية وداخلية ومباربات الودية بدون تحقيق نتائج طيبه ارجوا التفكير في كلامي اعطوا مدرب عماني واجدين عندنا مدربين ناجحين مثل العزاني وغيرهم افضل عن مدرب اجنبي نعطيه راتب ببلاش ولا يسويلنا حاجه
بصراحه يعورني قلبي على هذي الخسائر والله بدون تحقيق نتائج مشرفة

ونفس الشي الاندية احنا معنا الاندية في سلطنة مستواهن تعبان بشكل واجد ودوري معنا تعبان بشكل فضيع تعرفوا دوري العماني من يتابعه اول شي
انديتنا ما تحقق اي انجازات تذكر فقط يروحوا يشاركوا ويرجعوا مطلعين من دور الاول وهذي بعد حقيقة
وانا اشوف الاندية بعد ما يحتاجلهن مدربين اجانب يكفي مدرب عماني يمسكهن وهذي حقيقة


وشقرا لكم

[الفيلسوف 16]

[الفيلسوف 16]

كلامك 100% ومستحيل يحطوا مدرب عماني لانهم ما يثقوا ابدا بقدرات المدرب العماني ان شاء الله لو كان من يكون .. نظرة الاعجاب بقدرات مدربي العالم لا تخفى على احد حتى لو كانوا خرطي وما بيفيدوا منتخبنا بشي المهم مدرب اجنبي ..

[صدى صوت]

صحيح لو يمنحوا الثقه للمدربين العمانيين كان افضل

[shaker]

موضوع جميل اخي ملهم " وهذا الكلام يجب أن يعيه اصحاب النفوذ وليس اصحاب العقول ولكن عتبنا الاكبر على الحكومة فهي التي تدفع المخصصات المالية لهذه الجهة فلماذا لاتسائلهم على ذلك!!!!!!!!
تقديري

[أفتخر عمانيه]

ملهم المواضيع التي تخص الرياضة ضعها على طول في قسم الرياضة.
ينقل لقسم الرياضة.

تحياتي لك

[أفتخر عمانيه]

الصراحة الذي لفت نظري راتب المدرب الأجنبي 20 الف في الشهر يعني
في السنة 240 ألف

لو يعطون المدرب الوطتي العماني 10 الف في الشهر والله بيقبل
حتى 5 آلاف في الشهر بيقبل هههه

سبحان الله الوافد حلال عليه هذا المبلغ الشهري لكن المدرب المحلي حرام عليه يأخذ نفس مبلغ الأجنبي

تحياتي لكم

[حلوة الشيم]

انزين همه محتاجين تدريب هالكثر.؟ لان ع حسب الفريق و مستواه يكون تحديد الراتب
عشان كذا الراتب غالي فريقنا لا يحسد عليه
و للأسف مدرب سمعته ف بلاده داون و يجي هنا يتفلسف. مثل كل مره و التاريخ يعيد نفسه


ثانيا. الاعبين عنبوا دارهم ما عندهم خبره كافيه مٍْْـٍْن متى يلعبوا.

و لٱ تقولوا الانديه. ووو.
الحكومه ما مقصره. الأندية مجهره و المدارس تعمل دوري ع مستوى المدارس يعني الواحد من نعومة أظافره يركل و يهاجم و يصد ووو هذا كله يعطي طاقه وخبره. و الجامعات ايضاا.