((((((( جــــــــــــــــــــــــــــــــرح ينام... ))))))

**نسر البوادي** · 22-11-2016, 08:46 AM

ادفن يدي..تحت الثرى..

وأسقيها من جفني أرق..

يذبل ما بين اصابعي..

عشب و ورق..

ادفن يدي..فوق الثرى..

يلفها برد وسموم..

واحس بعروقي يبست..

ما توصل عروقي الثرى..

ولا تشرب عروقي نجوم..

وينبت على جفني سهاد..

يذبل ورا صدري الشجن..

أشقق أوراق الزمن..

وأنام

في حلقي الليله جفاف

شربت أيامي..ومضت..

واللي بقى جرحي الوفي..

في خاطري باب يرد..

وسراج دوبه بينطفي..

أغطي الظلمه بظلام..

كل ما أشد أصابعي..

على العيون المتعبه

جرح ينام...

وجرح شعر بي وانتبه

قام وتبعني لشرفه ظلمةبعيد

جاني يقاسمني السهاد..

جاني قصيد

ادفن يدي تحت الثرى ..

فوق الثرى

وأعيش أنا بباقي يدي

نصف يموت...

ونصف درى إنه يموت

ياسيدي..ربي أنا نقطة ف بحر

علمني كيف أهوى الحياه..

علمني كيف أهوى القدر..

علمني بايماني أكون..

يارب...أكثر من بشر....