الجـزء الثـآآنــي :::

ريم بغرفتها تصيح ، وبدور عدالها تهديها ، دخل عليهن أخوهن حمــد ..
حمد : بدور ، ريم شوفيها ؟
بدور تحط رآسها على أختها وهيه سـآكته
حمد : ريم ، كل هذا على شان الوالد ما بييب أغراض التجربة ؟
ريم تصيح : إنته ما تدري شو المس بتسوي لنا ؟
حمد شفق عليها : خلاص ريم ، اكتبي كل اللي تبينه في ورقة ، وأنا ان شاء الله يوم بطلع بييب لج كل اللي تبينه
ريم تمسح دموعها : والله ؟ مشكور أخوي ، والله إنك ما تقصر
حمد : وإنتي يا بدور إذا في خاطرج شي ، ما يردج إلا لسـآنج
بدور : مشكور ، ربي يعطيك العافيه إن شاء الله ، الله يخليك
وهنيه دخلت سميرة
سميرة بعصبيه : حمد شو تسوي هنيه ؟
حمد : ولا شي ، بس كنت أسأل ريم وين حطت ملابسي
سميرة : خلاص انزين اطلع
حمد : حاضر يمــه
ولمـآ طلع حمــد
سميرة : سمعي يـآ ريم أبـآج اليوم تكنسين الغرف اللي تحت كلهن ، ونظفي كل الحمامات اللي تحـت وأبا أشوف البلاط يلمـع
ريم : حـآضر عمتي
سميرة : وإنتي يـآ بدور سيري غسلي ملابس أنوار وأبـرآر ، وجففيهن ، وبعدين كويهن واليـوم قبل الساعه 8 المسـآ ، أبا ألقى الملابس في غرفتهن
بدور : اللي تشوفينه عمتــي
سميرة عطتهن نظره ، وطلعت من غرفتهن
بدور تحط ايدها على خدها : كيف أسوي كل هذآ وعندي امتحان ؟
ريم تقعد عدالها : حبيبتي إذا ما كفى الوقت قومي السـآعه 1 الليل ودرسي لين آذآن الفير ، وربج الموفق
بدور : إن شـآء الله
وسـآرت كل وحـده في شغلها ريم تنظف وتكنس ، وبدور تغسل وتكوي ..

غرفــة أنــوآر وأبـــرآر ::
أنوار : تصدقين يا أبرآر فخاطري شي ؟
أبرار : وشو اللي فخاطرج ؟
أنوار : شهد تكلم شباب عالمسن ، وتكون صداقات معاهم وهيه وآيد مستانسه ، وأنا بعد فخاطري أتعرف على شباب
أبرار : سكتي لا أحد يسمعج
أنوار : عادي شوفيها ؟ هكيه شهد أهلها يدرون مب قايلين لها شي ، لو عيب جان أهلها منعوها
أبرار : خلاص سوي اللي تبينه ، وإذا مشى الحال معاج بسوي مثلج

...
بيت بوسلطـآن :::
منيره ودرت الكتب وقعدت تكلم حميد
منيرة : تصدق يا حميد ، هذي ريم انسـآنه طيبة وآيد ، حنونة ، قلبها أبيض وطـآهر ، تحب الخير لكل الناس ، وآيد خجولة ، وما تحب تضايق أحد أوتكدر قلبه ، بس هيه تقول لي همومها لأن ما تلقى أحد تفضفض له ..
حميد : كيف عايشه مع حرمة أبوها ؟
منيرة : حرمة أبوها معذبتنها ، ما تحب لها الخير ، وتسوي لها مشاكل دايمـاً ، وخلتها تشتغل خدآمه هيه وأختها عندها وعند عيالها ، تكنس وتنظف وتغسل وتكوي
حميد : ليش وين أبوها ؟
منيرة : أبوها معاهم ، بس هوه الثاني رآضي عن اللي تسويه حرمته ، يكرهها هيه وأختها
حميد : معقوله ! أب يكره عيـآآله ؟! ليش ؟
منيرة : لأن لما كانت أمها عايشه ، سميرة حرمة أبوها ألحين كانت تيي صوبه ، وتتزين عدآله ، لين ما يابت عقله ، عقب تزوجها ، ولما تزوجها كانت تسوي مشاكل لأمها وتتبلى عليها ، وفيه مرة طلعت امها معصبة لأنه كان يشك فيها إن تخونه مثل ما كانت تقول حرمته سميرة ، وكانت تسوق بسرعه وصار لها حادث وتوفت الله يرحمها ..
حميد : الله يرحمها ، انزين ليش وين اخوآنها من أبوها ؟
منيرة : عندها 2 أخوان و2 خـوآت ، أكبر وآحد حمد وهوه طيب معاها ، بس خواته شريرآت الله يكفينا شرهن ..
حميد : والله قصتها قصة ، الله يكون بعونها وعون أختها المسكينه
منيرة : آمين يـآ رب
...

ولمـآ صار المغرب ::
كانت ريم مع أختها في الغرفة بعد ما خلصن شغلهن ، دخل عليهن حمد
حمد : تفضلي ريم ، هذا اللي طلبتيه
ريم : مشكور يـآ خوي ، يزآك الله خير ، والله من دونك ما نعرف شو نسوي
حمد : هذا وآجبي يـآ ريم
بدور : حمد ملابسك غسلتهم وكويتهم ، حطيت لك إياهن في الغرفة
حمد : مشكوره وما تقصرين
وطلع حمـد
ريم : بدور حبيبتي ألحين إنتي راجعي مادة الامتحان على السريع ، وحددي الأشياء اللي مب فاهمتنها ، أنا بسير أتسبح وبعدين بدرسج
بدور : إن شاء الله
...

بو حمـد وسميــرة في الغرفة ::
سميرة : بوحمد أنا خاطري باجر نطلع مكان ، ترآ باجر بتبدآ إجازة الويك اند
بوحمد : إن شاء الله بنطلع المكان اللي تبونه ، آمري إنتي بس
سميرة : تسلم والله يا بوحمد ، وإذا ما عليك أماره ترآ بنات طيبة مب لازم يطلعن معانا
بوحمد : أكيد ، منو قال إن بنطلعهن بنات طيبوه خليهن ينظفن ويغسلن
سميرة : هيه صدقت ، هذا مستوآهن
....

في غرفـة ريم وبدور ::
ريم قـآعده تدرس أختها بدور ، ويت سميره وفرت عليها قميص وبنطلون علاوي
سميرة : هذيلا ملابس علاوي غسليهن ألحين واكويهن
بدور : ما عليه دقايق عمتي ، بخلص هالصفحة وبغسلهن
سميرة : لا ، ألحين
بدور : الله يخليج ، باجر عندي امتحان ولازم أذاكر ، وإن شاء الله بعد ما أخلص بغسلهن
سميرة يت صوب بدور ، وضربتها
سميرة : انا أقول لج ألحين يعني ألحين
بدور تصيح : حـآضر عمتي
ريم تلوي على أختها : ما عليه حبيبتي ، لا تزعلين نفسج ، وإذا على الأمتحان ما بقى على المراجعه غير 3 صفحات ، بكملهن ويـآج قبل أذآن الفجر
بدور : يلا أنا بقوم بغسل ملابس علاوي ، وإنتي سيري جهزي حق العشا
ريم : أوكي ، يــلا
...

سـآرت بدور تغسل ملابس علاوي ، و ريم تجهز للعشــآ .. وسوت :
قطعت سلطه ، طبخت بريـآني ديـآي ، و شوربة ماجي ..
وحطته على الطالة وتعشوا ، يـآ وقت النوم والكل سـآر يرقد ، أما ريم فقعدت تدرس أختها بدور .. ولما أذن الفير صلن ، وبـآشرن عملهن المعتاد
تنظيف ، تكنيس ، ترتيب ، تغسيل ...
وطبخوا الفطور ، والكـل سـآر لدوآمه ومدرستــه

سـآحة المدرسة ::
ريـــم و منيـــره
منيرة : صبـآح الخير ريمــآنه
ريم : صبـآح النور والأنــوآر
منيرة : شحالج ؟
ريم : الحمدلله تمـآآم
منيرة : يبتي أغرآض التجربة ؟
ريم : هيه يبتهم ، يابهم لي أخوي حمـد
منيرة : يزآه الله خير ، يعرف معنى الرحمه
ريم : والله هوه الوحيد اللي مسوي لنا سالفة في البيت والباقين الله يهديهم
منيرة : لا تزعلين حالج حبيبتي على هذي التفاهات ، إنتي بعدج بنوته صغيره ، صرآحه حرآم اللي تسوينه على كل هالجمـآل
ريم حزت بخاطرها وعصبت : ليش حرآم شغل البيت ؟ شوفيه ؟ لازم كل بنيه تشتغل
منيرة حست إن ريم عصبت : ريم والله ما كنت أقصد ، أنا آسف حبيبتي
ريم : استفغر الله العظيم
منيرة تحط ايدها على ريم : رضيتي ؟
ريم بابتسامه : مستحيل أزعل منج
منيرة : يا بعد عمري والله
ريم : تسلميـن الغاليــة

بدور و رُدَيْنـَـه :::
بدور : هـلا ردون
رُدَيْنـَـه : هلا فيـج ، شحالج حبيبتي ؟
بدور : الحمدلله بخير
رُدَيْنـَـه : إن شاء الله درستي الأمتحـآن زين ؟
بدور : ريمـآنه أختي مـآ قصرت ، الله يخليها لي إن شاء الله
رُدَيْنـَـه : آمين
بدور : شوفي هذي أوراق هيه كتبت لي إياها ، اقري على شان تستفيدين
رُدَيْنـَـه : أوكي
...

أنــوآر وأبــرآر وشهــد :::
أنوآر وأبرآر : هـلا
شهد : هـلا بكن زود يالغــلا
أنوآر : صرآحه أنا مستعيله و أبا أقولج شي
شهد : قولي
أنوآر : يوم تكلمين الشباب محد يدري من هلج صح ؟
شهد : هيه ، بس حتى لو دروا ما بيقولون لي شي
أنوآر : أنا فخاطري أتعرف على شباب ؟
شهد : والله ؟ هذي الساعه اللي بتحسين فيها بالوناسة
أنوآر : بس كيف أقدر أوصل لهم ؟
شهد : بكتب لج لستـه بايميلات الشباب ، واختاري اللي تبين
أنوآر : خلاص أوكي
...

ولمـآ انتهى اليوم الدرآسي على هذي الأشيـآء ..
على طـآآولة الغــدآ ::
بوحمد : يا عيالي عندي لكم خبر حلـو
الكل : شنو هوه ؟
بوحمد : بنسير مدينة الزهور ، العين دآر الزين
الكل فرحـآن ومتونس
بوحمد : وعلى شان جذيه ، أبآكم تتجهزون الساعة 4 العصر نحن بنطلع من هنيه ، وبنبـآت يومين ، يعني بنرجع المغرب يوم السبت
أبرآر : يلا عيل خلاص بسير أجهز أغراضي
أنوآر : وأنا بعــد
...

ولمــآ تجهزوا الكل وهم ألحين في الصالة
سميرة : يلا يا بوحمـد ، قوم بنسير
حمد : يمـه ، أنا مالي خاطر أسير
بوحمد : ليش يا حمد ؟
حمد : بس جذيه أبا أقعد هنيه
سميرة : براحتك يمه
بو حمد : يلا مع السلامة
حمد : مع السـلامة
وبقـوا حمــد وريم وبدور في البيت

في الصالة ::
ريم : خير حمــد ؟ بغيت شي ؟
حمد : أنا بصرآحه ماسرت العين على شانكن أنتن
بدور : ليش ؟ تبا منا شي ؟
حمد : أنا أبا أطلعكن مكان تستانسون وتغيرون جو
ريم : والله ؟ صـدق ونـــآآسه !
حمد : وأباكم تخططون وين تبون تسيرون أي وقت
بدور : مشكور يـآ حمد ، يزآك الله خير
...

ريم اتصلت حق ربيعتها منيرة " رقم بيتهم "
ريم : ألـو السلام عليكم
حميد : أهلين ، وعليكم السـلام
ريم : ممكن أكلم منيره ؟
حميد : أوكي لحظه ، أناديها لج
ولمـآ يت منيرة
منيرة : هلا ريمــوه
ريم : أهلين منـوره ، بغيتج فشي
منيرة : تفضلي الغالية
ريم : الوالد وعمتي والعيـآل ساروا العين ، وبقى عندنا أخوي حمـد ، ويبا يخلينا نستانس ونطلـع مكان ، فأنا قلت أيي عندج على شآن نحل والواجبـآآت ونذآكر
منيرة فرحـآنه : والله ؟ هذي الساعه المبـآركه ، البيت بيتج حيـآج بأي وقت
ريم : مشكوره ما تقصرين الغالية ، يلا بـآي
منيرة : باي
...

وقعــدت ريم وأختها بدور يتجهزن
ريم لبست تنورة سمـآويه وفيها ورود باللون الوردي ، على قميص باللون الوردي ، وفوقه عبـآه مفتوحه ، ولبست شيلتها المفصصه بكل الألوآن ، وطـآلعه جنــآن ...
أما بدور لبسـت تنورة باللون العشبـي ، وعليها قميص باللون الوردي ، وعبـآه مفتوحة ، وشيلتها مثل ريـــم > بدور بتسير معاها على شـآن تدرس مع أخت منيرة أشجان لان هيه ويـآها مثل الكــلاس ..
حمـد دخل عليهن
حمد : ماشاء الله مـآ شاء الله شو هالجمـآآل ؟
ريم : الله يهديك حمـد ، ما سوينا شي
حمد شـآف ريم ، وكـآنت ريم روعـه لما طلعت قذلتها وحمـد فتح عينه يشوف زين
ريم : حمـد شوفيك ؟ لهدرجـه أنا حلوة ؟
حمد : عذآآآب و ربي ، قمر والله
ريم : تسلــم حمـد ، يلا إنت جـآهز
حمد : هيه وين تبـون تسيرون ؟
ريم : عند ربيعتي منيرة ، بيتهم في نفس المنظقة ، بس هم في الشارع الثاني
حمد : أوكي يـلا