$غلـآآ روحي من غلـآآهـآ ؛ ريم الغـلـآآ عيوني فدآآهـآآ $رواية إماراتية

[روانـــــووو]

رواية طويلة تحتاج صحصحة ههه لي عودة بإذن سلمت على الطرح ..

[نوارة الكون]

رواية طويلة تحتاج صحصحة ههه لي عودة بإذن سلمت على الطرح ..

طيب صحصحي وتعالي

[نوارة الكون]

الجـزء الثـآلــث :::

خذ حمـد خوآته وسـآر بيت بوسلطـآن
تينتــون ، تينتـــون " جرس بيت بوسلطـآن "
يت منيرة وفتحت البـآب : هلا هـلا ، هلا والله ، نور البيت
ريم بابتسـآمه : منور بهلـــه
منيرة : شحالج بدور ؟
بدور : الحمدلله بخير
أشجـآن يت وسلمت عليهن ..
أشجان : هلا والله ، هلا وغـلا
بدور : هلا بج زود
أشجان : تعالي بدور ، بنسير فــوق
وسـآرت بدور مع أشجان فوق

أمـآ ريم قعـدت مع منيرة في الصالة
منيرة : الله عليج ، والله إنج محلوه اليوم
ريم ابتسمــت : مشكوره ، هذا من ذوقج
وهنيه نــزل حميد من فوق وكان لابس بنلطون جنــز على قميص أبيض ، وحاط شعره كله على صوب وآحد ، ولابس كـآب ، وكانت قذلته طالعه شوي من تحت الكاب ولابس نظـآره زجاجها باللون الشفاف وفوقه بالرصاصي ، وكـآآن يهبل ...

ولما وصل للصالة ::
حميد : الســلام عليكم
ريم وقفت : وعليكم السـلام
منيرة هيه الثانيه وقفت : ربيعتي ريـــم ، ريم أخــوي حميد
حميد : هلا والله
ريم : هلا فيـــك
ريم نزلت قذلتها وهيه ماحست ، حميد قعـد يشوفها وهو متلخبط ، شكلها مره كان روعه ، أما ريم كانت مستحيـه ومنزله رآسها وتقول فخاطرها : إنته روعه يا حميد
منيرة : تفضلــوا
ولما قعدوا ، منيرة : أنا بسير اييب العصير
قعدت ريم بأول الكرسي ، وحميــد بنهاية الكرسي
حميد بخاطره : والله طلعتي حلوة يا ريم وأنا ما أدري ، أنا أول مرة تعيبني بنيه ، ما شآء الله عليها
ريم بخاطرها : حميد صدق إنك وسيم مثل ما قالت منيرة ، ما دري شو لفتني لك ؟
حميد يبا يكسر الصمـت : شحالج ريم ؟
ريم مستحيه : الحمدلله بخير
حميد : تصدقين ، منيرة وآيد تكلمني عنج ، وتدمحج وآيد
ريم ابتسمــت
حميد : ريم إنتي وآيد خجولة ، وما تتكلمين ، حتى ما لفيتي ويهج علي
ريم : آسفه ، بس مب متعوده
حميد فخاطره : البنت متأدبه ، وما عندها سوالف وخرابيط ، ألحين لو بنت من الطايشات جان ما خلت سؤال ما سألته ..
ريم : حميـد إنته كم عمرك ؟
حميد بخاطره : وأخيـراً سألتني
حميد : عمري 17 سنـة ، ثنويه عـآمه
ريم : الله يوفقك إن شـآء الله
يت منيرة وعطتهم العصير ..
حميد : خلاص أنا أستأذن ، موآعد ربيعي رشود
منيرة : الله معــآك
حميد : فخاطرج شي ؟
منيرة : سـلامتك
حميد : ريم تبين شي ؟
ريم : لا مشكـور

وبعـدين قعدن ريم ومنيـره يسولفون ويدرسون ، أما حميد فسـآر عند ربيعه رآشد
أما في العيــن دآر الزين ، الأهل حاطين الحصير وقاعدين ياكلون في حديقة ألعاب هيلي ..
سميرة : يالله ! محـلاة جو العين ، ومحـلا نسـآآيمــه
بوحمد : صدقتي والله ، شوفي ، شوفي هالدآر قطعه من الجنـة على أرض الأمارات
أنوآر : وآيد حلوه العين ، أتذكر آخر مرة زرناها قبل سنتين
أبرآر : يلا أنوآر ، دآدي نحن سايرين نلعب بالألعاب الالكترونيه
بو حمد : سيرن بس لا تطولن
أنوار : حاضر بـآبـآتي
...

على البحـر ، حميــد وربيعه المقرب رآآشـــد ::
حميد يشوف البحر ويقول : ما دري مـآ دري كيف انجذبت لها ؟
راشد : منو هيه ؟
حميد : ريم ، ربيعة أختي منوره ، يت اليوم عندنـآ البيت ، وآيد حلوه ، خجوله وآيد ، لو وحده من البنـآت شايفتني بهالكشخـه جان ينت ، بس متربية عدل ، بس آه محلاتها !
راشد : حميد يتكلم جذيه ، حميـد ينجذب حق وحـده ، معقوله ؟!
حميد : بـلاك ما تدري ، بصرآحه يا رآشد
رآشد : قول ، الصرآحه رآحــه
حميد : أنا حبيتهــآآ
رآشد : بل بل ، حميد يحب ، معقوله ؟!
حميد : بلاك إنت قاعد تبلبل ،هيه أنا حبيت ريم ، هيه إنسـآنه اللي كنت أحلم فيها
رآشد : شو السر اللي جذبك لها ؟
حميد : ريم حلـوة ، و الله إنها قمر ، مع إنها مب صابغة ويهها من صبغ البنات ، ملامح ويهـآ عذآآآب ، لما ظهرت قذلتها استوت أحلى من القمر لون شعرها عسلي ، وعيونها بعـد عسليـآت ، جسمها أوكي ، طولها حلو ، كل شي فيها حلو ، وفوق كل هذا ربيعة أختي ، ودايمـاً تمدحها لي ، بعدين ريم ما عندها خرآبيط ..
رآشد : يـآ سلام ! كل هذا في ريم وأنا ما دري ؟
حميد : و أكثر ، أقولك هذي مب بنيه ، هذي ملاك و أحلى من الملاك
راشد : إنته قعـدت معاها
حميد : لما رآحت منورة تييب العصير ، قعدت معاها ، حليلها تستحي وآيد ، وقالت مب متعوده تقعـد مع شاب غريب ، وما سألت مليون سؤال مثل المعجبات اللي يلاحقني من مكان لين مكان ، هيه الانسـآنه اللي أحلم فيها
راشد : نــآوي عليها ؟
حميد : شو قصدك ؟
رآشد : إنته تبـآهــآآ ؟
حميد : فوق كل هالمدح ، وكل هذا اللي شفته اليوم ، أكيد أباها ، أبـآهــآ ..
...

ريم ومنيــرة في الغرفة ::
منيرة : شو استحيتي من أخوي حميد يوم قعـد معاج ؟
ريم : بصرآحه هيه ، ما قدرت أحط عيني بعينــه
منيرة : تدرين يا ريم إن البنات يلاحقنه من مكان لين مكان بس هوه مسوي لهن طـآف
ريم : هيه ما شاء الله عليه ، وآيد حلو !
منيرة : بس للحين مب حـآط وحده في باله ، يقول كل البنات عندهن خرآبيط شباهن
ريم : الله يرزقه ببنت الحـلال اللي تهنيه
منيرة : آمين
طق طق طق ، طق طق طق " أحد يدق بـآب الغرفة "
ريم تحجبت ، منيرة : تفضل
وكـآن اللي يدق البـآب : سلطـآن
سلطان : آسف ما كنت أدري إن عندج ضيوف
منيرة : حيـآك أخوي ، بغيت شي ؟
سلطان : بغيت أوراق [ اي فور] إذا عندج
منيرة يابت الأوراق : تفضل
سلطان طلع وقـآل فخاطره : منو هالبنيه ؟ وآيد حلوه ؟ لازم أسأل منيرة عنها بعدين
بــدور وأشجـآن في الغرفة يذآكرن ويسولفــن ..

في العيــن دآر الزين \ السيـآره
بوحمد : وين تريدن تسيرن بنـآتي ألحين ؟
أنوار : فخاطري أسير مول من المـولات
بوحمد : اممم ، ألحين على طريجنـآ بـوآدي مول
أبرار : أوكي يلا انسير
سميرة : علاوي فديته رقـد ، عاد بوحمـد ما نبا نطول فالمول
بوحمد : إن شاء الله ، بس يخلصن البنـآت ، بندور على فنــدق
سميرة : أوكي
...

حمـد سـآير مول من المولات يتمشـى ومل ، اتصل على ربيعه سعيد وقعـد يكلمه
حمد : هلا سعـدون
سعيد : هلا هلا ، هلا فيك ، شحالك يالخوي ؟
حمد : الحمدلله بخير
سعيد : شكلك طـآلع مكان
حمد : أنا في الريف مـول ، مر علي نقعـد نرمس
سعيد : يلا مسـآفة الطريج ، و أنا عندك
...

حميــد ورآشـــد :::
حميد : مب قـآدر مب قـآدر أشلها من تفكيري
رآشد : حمـود عن البزآ ، عاد حبيت لنا وحـده بتحشرنا فيه مب قادر ومب قادر
حميد : بلاك ما تدري عنها ، لوشفتها ما بتشلها من تفكيرك ، والله إنها عجيبه
رآشد : الله يهديك
حميد : أجمعيـــن
...

سلطان بغرفته يقول : يا ربي ! هالبنت وآيد حلوه ، أنا صح ما أعطي البنات ويه ، بس كيف هذي سحبتني صوبها ، أحس إن قلبي يباها ، لازم لازم أسأل منورة عنها
...

ريــم فصخت عباتها وشـآلت شيلتها فتحت شعرها العسلي وكانت قاصتنه مدرج وطـآلع يهبل على لبسها ، يت منيرة تلعب على ويهها وصبغته حقها ، حطت لها ميك آب بدرجـآت الوردي ، وعطتها اكسسورآت ولبستهن ..
منيرة : يـآ ربي ، ريمـآآنه تهبليــن
ريم تبتسم : هـذآ من ذوقج حبيبتي
منيرة : ريمـآنه فديتج أبـآ أصورج
ريم : لا لا ، لا تصورين
منيرة : بليز على شـآني
ريم : أوكي يـلا
وقعـدت ريم على السرير ، شـآلت وسـآده لونها ذهبي وعليها اكسسورآت بالفضي وحضنتها وتمـت منيرة تـآخذ لها صور مرة قـآعده ، مره وآقفـه وجذيـه يعني
...
في صـآلة بيت بوسلطـآن \ رد حميد من البحر ::
حميد : سلام عليكج يمـه
أم سلطان : هلا هلا والله بالغالي
حميد : هلا فيج يمــه
أم سلطان : سير يا ولدي قول حق أختـك منيرة العشـآ جـآآهز
حميد : أوكي
وكـآن مـآيد نازل من فوق بسرعه
مايد : حميد حميــد
حميد : شنو ؟
مايد : لعبت باللاب توب مالك
حميد يركض ورآه : يالنذل و منو سمح لك ؟
مايد : يعني عندك خرآآبيط ، صح ؟
وصل حميد فوق : والله لا أروآيك | وسـآر بسرعه عند غرفة منيرة ، حميد فتح الباب ..
وكـآنت ريم متمددة فوق السرير وحـآضنه الوسادة ، ولمـآ شافت حميد اقشعر جسمها ، أما حميد وقف متجمـد يشوف ريم وهو متخبـل ، ويقول فخاطره : أمبيه ، هالبنيه شويه عليها كلمة قمـر ، ريم على طول دخلت غرفة الملابس
حميد : آسف ، ما كنت أدري إنها للحين عندج
منيرة : بس كان لازم تدق الباب قبل
حميد : سوري ، كنت قـآعد أركض ورآ ميود وقلت في طريجي ، وبسرعه فتحت البـآب ، ما كنت أقصــد
منيرة : خلاص انزين ، شو كنت تبـآ ؟
حميد : كنت أبـآ أقول لج إن الوالدة تقول إن العشـا جاهز
منيرة : لا أنا بتعشى مع ريم في الغرفة
حميد : انزين تأسفي حق ريم ، ما كان قصدي ، اعتذري لها
ريم سمعتهم وتتكلم من غرفة الملابس : مسموح يـآ حميد
حميد : ريم والله سوري ، ما كنت أقصد
ريم : أنا أعرف حميد إن مب قصدك ، خلاص ما صار الا الخير
حميد : مشكورة يا ريم إنج قبلتي عذري
ريم ابتسمـت .. طلع حميد من الغرفة ...
وأما ريم لبست عباتها وغسلت الميك آب اللي فويهها ..
ريم : صار لازم أسير ألحين
منيرة : ليش ؟ تو النـآس قعدي شوي
ريم : لا حبيبتي ، الوقت يتأخر ولازم أرجـع البيت ، ممكن أتصل حق أخوي حمد
منيرة : هيه تفضلي ، اتصلي من تلفون الصالة
نزلوا كان حميد قاعد في الكرسي اللي عدآل التلفون ، ولما يت ريم قام على شان تتصل قـآم حميد وقعـدت ريم
ريم : هـلا حمــد
حمد : أهلين ريم
ريم : حمد إذا ما عليك أمـآره مرنا بيت ربيعتي
حمد : سوري ريم ، ما أقدر أمركم لأني في الدوآم ، المدير فاجأني إن عندي دوآم مسائي ، خلي أحد يردكم
ريم محتارة : أوكي خلاص ، بـآي
حمد : باي
منيرة : هـآ ريم شو فيج ؟
ريم : حمد ما بيمرنا لان عنده دوآم مسائي
حميد على طول : خلاص أنا بوصلكن
ريم استحت
منيرة : خلاص أنا بييب عبـآتي وبسير معـآكم
نزل سلطـآن من فوق
سلطان يشوف ريم : هـآ ، شو صـآير ؟
منيرة : ريم أخوها ما بيمرهن عند دوآم مسائي
سلطان بسرعه : خلاص أنا بوصلهن
حميد : بس أنا قلت بوصلهن
سلطان بأذن حميد : لا أنا بوصلهن
حميد : قلت لك أنـآ
ريم ضحكت ، منيرة : ها ها خوآني أشوفكم تخبلتوا ، شو صار لكم ؟
حميد : أنا بالأول قلت بوصلهن ، خلاص أنا بسير
بوسلطان ينـآدي : سلطـآن ، سلطـآن تعال أبـآك بموضوع
سلطان : إن شاء الله يبــه | وسار سلطان عند الوالد
حميد ارتـآح : يلا انسير
أم سلطان تنادي : منـورة تعالي يمـه أباج تساعديني
منيرة : أوه ، سوري ريم ما أقدر أسير معاج
ريم تتمسك في ربيعتها : لا منور ، تعالي
حميد يبتسم : والله مابا أكلج والله
ريم ضحكت : بس أستحي
حميد يتقرب منها : أفـآ عليج
وصلت بدور من فـوق وسـآروا ...

شو بيصير لما بيوصل حميد ريم و بـدور ؟ وشو الأحدآث اللي بتصير في السيارة ؟ تابعونـآ في الجزء القـآآدم

[نوارة الكون]

الجـزء الرآبــع :::

في السيـآرة كانت ريم قـآعده في الكرسي اللي ورآ حميد ، وبدور عـدآلها ، أما حميد مب قـاعد يشوف الطريج ، قـآعد يشوف ريم من المنظره ويتمنظر جمـآلها ، ريم انتبهت وقعـدت تطالعه ، حميد ابتسم لها ، ريم ردت له الابتسـآمه ..
حميد فخاطره : وآي فديت هالابتسـآمه والله
حميد : ريم وين بيتكم ؟
ريم : فالشـآرع الثاني
ولما سـآر حميد بالسيارة ، أي فيـلا ؟
ريم : فيـلا رقم 34
حميد : ماشاء الله بيتكم وآيد حلو !
ريم : مشكور هذا من ذوقك
ولما كانت تنزل ريم لفت عليه : مشكور حميـد
حميد : أفا عليج تفضلي بأي وقت
ريم ابتسمت
حميد : ريم
ريم : نعــم
حميد : لما تدخلين البيت اتصلي على شـآن تطمنيني
وكتب لها رقم موبايله على ورقه وعطاها ، وهوه عمد عطاها على شان يسيف رقم بيتهم ..
ودخلت ريم البيت فصخت عباتها وشيلتها ، واستحت تتصل على حميد ، لكن بالأخير قالت لازم أطمنـه
أول ما وصل حميد رقم بيت ، على طول رد
حميد : هـلا
ريم مستحيه : أهلين حميــد
حميد : شحالج ؟
ريم : الحمدلله بخير
حميد : وصلتوا ؟
ريم : هيه الحمدلله
حميد : تبين شي ؟ محتاجه شي ؟
ريم : لا سلامتك ، مشكـور
حميد : مع السلامة
ريم : مع السلامة
حميد حـط الموبـآيل على قلبه .. وقـال فخاطره : فديتج يـآ ريم ، وفديت قلبج
...

بيت بوسلطـآن \ غرفة الوالد ، سلطـآن عند أبوه ::
سلطان : ها يبـه بغيتني ؟
بوسلطـآن : هيه والله بغيتك في موضوع
سلطان : تفضل يبـه
بوسلطان : يابوك العمر يمضي بسرعه الواحد ما يعرف متى أجله ، وإنت كبرت وحلمي أشوفك شـآب متزوج وعندك عيـآل ، أبا أشوف عيـآلك قبل لا أموت
سلطان : بعد عمر طويل يا يبه
بوسلطان : سلطان حقق اللي فبـآلي ، أبا أشوف أحفادي
سلطان : قريب إن شاء الله يا يبه
بوسلطان : شو رآيك نخلي أمك تدور لك بنيه مزيونة وبنت نـآس طيبين ؟
سلطان : لا يبه
بوسلطان : إنت حاط في بالك وحده ؟
سلطان يبتسم : بصرآحــه ، هيه فبـآلي وحده
بوسلطان : ومنو تكون ؟
سلطان : يبـه وقت ثـآني بقول لك ، أول شي أبا أتعرف عليها أكثر
بوسلطان : خير إن شاء الله
...

منيــرة عنـد أمها في المطبخ ::
أم سلطان : تصدقين يا بنيتي ربيعتج اللي يايتنج اليوم تهبل ، أدب ، وأخلاق ، وجمال ، شو اسمها ؟
منيرة : ريـــم
أم سلطان : ريم شيخــة الحريم
منيرة : شي فخاطرج يمــه ؟
أم سلطان : أنا أقول مدآم إنها جذيه ، ليش هيه ما انخطبت للحين ؟
منيرة : يمـه لأن أبوها ما يخليها تطلع وهيه ألحين أخوها موصلنها
أم سلطان : هيه
...

العيــن دآر الزين \ بــوآدي مول ،،
قعـدن أنوار وأبرآر يلفن المحلات ولازم كل ما يدخلن محل يشترن شي ، والأغرآض اللي خذنها من الغالي ..
وبعـدين عقب ما خلصوا ، سـآروا فندق روتانا العين يحجزون ، لكن كان ( فل )
وسـآروا فندق سيتي سيزنــز وحجزوا هنـآك ..
في غرفـة أنوآر وأبرآر في الفندق :::
أنوآر : اليوم شفت فالبوآدي مول وآحــد يهبل ، ما قدرت أشل عيني عن شوفته
أبرآر ضحكت : إنتي كل الشباب يعيبونج
أنوآر : خلاص أنا قررت أضيف شباب عندي بالمسن ، أبا أسولف معاهم
أبرآر : والله إذا نجحتي وتونستي ، أنا بسوي مثلج
أنوآر : بتشوفين
...

لمـآ رجع حميد موصل ريم وبــدور ، دخل غرفة منيرة ::
حميد : منيرة أبا أكلمج في شي
منيرة : تفضل
حميد : أنا بصرآحه مب عارف شو أقول لج !
منيرة : لا تتردد أخوي ، قول اللي عندك
حميد : ربيعتج ريم يوم شفتها اليوم عيبتني ، انجذبت لها وآيد مع إني ما أحب البنات بس لما شفتها حسيت شي ثـآني ، البنت جمالها يذبح خاصة يوم دخلت عليكن على غفلة ما كنت أدري إنها عندج بس اتجمدت لما شفتها
منيرة تتطنز : لا والله ، احلف انته بس ، شو عيبتك البنيه ؟ ترآ البنت ما يعيبها جذيه
حميد : أدري ، بس بصرآحه ، أنا حبيتها حب من أول نظرة
منيرة تخبلت : شنو ؟ إنت حبيت ريم ؟
حميد : ليش الحب حرآم ؟ ولا جريمـه ؟
منيرة ساكته
حميد : أنا أبا أتقدم لها
منيرة ينت : شو تقول إنته ؟
حميد : هيه متعذبه عند أبوها وحرمتـه ، مستحيل هالجمال ينظف ويكنس ، أنا أبا أتزوجها
منيرة : بس بعدكم صغـآر
حميد : عادي ، حتى لو أخطبها ، ما أبا أحد يسبقني ويتزوجها
منيرة : لا تخاف ، عند أبوها يمكن حتى ما تعرس
حميد : المهم إنتي سأليها عني ، وشوفيها شو ترد ، بس لا تفتحين لها موضوع الخطبة
منيرة : أوكي
...

طلــع حميد وعلى طول دخل سلطـآن ::
سلطان : هلا
منيرة : هلا أخوي ، ما شاء الله اليوم أخواني عندي
سلطان : أنا ياينج بموضوع
منيرة : تفضل
سلطان : أبوي يباني أتزوج
منيرة فرحت : هذي السـآعه المبـآركه ، تباني أدور لك وحده
سلطان : لا هيه موجودة
منيرة : ومنو تكــون ؟
سلطان : ربيعتج اللي يت اليوم بيتنا
منيرة شهقت ووتخبلت : ريم ربيعتي
سلطان : هيه ، إنتي شوفيج ؟
منيرة : لا ولا شي
سلطان : إنتي قولي لها إني أبا أخطبها
منيرة : بس إنت أكبر عنها
سلطان : يعني كم أكبر عنها ، ترآ عمري 20 وهيه 16
منيرة : ما تحس إن فيه فرق ؟
سلطان : حتى ولو ، أنا أبـآهـآآ
منيرة متخبله : يصير خير

ولما طلع أخوها ، منيرة فخاطرها : شو سويتي يا ريم ، خوآني كلهم يبونج ، الله يعين ، ألحين شو يصير على حميد ، وشو بيصير على سلطان ، والله إني محتاره ، وهم ما يت على بالهم إلا ريم ربيعتي ، أووف أنا ما أدري شو بسوي ؟ حميد ولا سلطان ، بس الوالد يبا سلطان يتزوج ، وحميد بعده على الزوآج ، إذا خذها سلطان حميد بيجن ، وإذا خذها حميد سلطان بيجن ، يا ربي شو أسوي ؟؟؟؟
...

ريم قـآعده تقول فخاطرها : شو سالفته حميد ؟ شو فخاطره ؟ والله ما عرف ؟ بس بصرآحه هوه اليوم لفتني ، أنا عمري ما حطيت شاب فبالي ، ما دري ...
بدور حطــت رآسها ورقــدت ..

حمـد رجع البيت ، وسار يرقــد ..
أما حميد قعد يفكر بريم ، و سلطـآن كذلك يفكـر بريم ..
أما ريم تفكر بحميـد وتقول بخاطرها : أنا عمري ما فكرت بأي انسـآن ، لكن أبا أعرف شو تفسير أفعـآل حميد معاي ، أعوذ بالله من بليس ، أنا وين الحب ؟ والحب وين ، أحسن أشل هالفكره من رآسي ..
...

وفي صبـآح اليوم التالي ، قـآم الكل واليـوم يوم الجمعـه يعني يوم إجـآزه ، والعايله في بيت بوسلطـآن مجتمعه بعـد صلاة الظهر ..

أخو بو سلطـآن اسمه نـآصر وعياله ::
جاسم : ولد مؤدب وخلوق ، يشتغل ، ويحب شغله وآيد ..
غالية : انسـآنه مؤدبه ومحترمـه ، تنصح خوآنها على الخير ، أول سنة جامعة
أفنـآن : هالانسـآنه أوكي شوي ، بس سـآعات تخورها ، تحب حميد ولد عمها ، وهيه في صف ثالث ثنوي ..
نايف : هذا الانسـآن شوي مفتر عقله ، عمره 13 سنـة ، ربيع مـآيد في المدرسة
...

الكل في صالة بيت بو سلطـآن ::
بوسلطان : وينك يا خوي ؟ ما نشوفك اللا من شهر لين شهر
بوجاسم : الشغل ، ملهني واللا انتوا لكم وحشـه و معزة في القلب
حميد : عن أذنكم بسير برع شوي
بوناصر : إذنك معاك
لما طلع حميد برع ، سـآرت أفنان المطبخ وطلعت من الباب الثاني ..
حميد توه بيطلع برع البيت
أفنان : حميـــد
حميد يرد : نعم
أفنان : حميد شحالك ؟
حميد : الحمدلله بخير ، إنتي شحالج ؟
أفنان : تمـآآم الله يخليك
حميد : بغيتي شي ؟
أفنان : بغيت أيلس أتكلم معاك شوي
حميد : على أي أساس نتكلم مع بعض ؟
أفنان ما عرف شو تقول
حميد : ها أفنان أنا بطلع فخاطرج شي ؟
أفنان : حميد إنته ليش جذيه تعاملني ؟ أنا مب غريبة أنا بنت عمك
حميد : وشوفيها معاملتي معاج ؟ زينة ، وكل عيال العم مع بنات عمهم جذيه
أفنان : حميد أنا أبا أقول لك شي
حميد : تفضلي
أفنان : لو ياني شاب وخطبني من أبوي ، شو رآيك ؟ شو بتسوي ؟
حميد : ببارلكلج وبهنيج وبدعي الله أن يهنيكم فحيـآآتكم
أفنان تضايقت : مشكور ، حميد شكلك فبـآلك وحده ؟
حميد ترخبط : لا ، مافيه في بالي وحده
أفنان ارتاحت : آهـآآ ، خلاص سير
حميد : باي
أفنـآن : بايــآت
...

بيت بو حمـد \ في الصالة
حمد : تسلم ايدينكن على الغدآ الحلو
ريم وبـدور : الله يسلمــك
حمد : اليوم بنسير امـآرآت مول ، واشترن الأغرآض من اللي تريدنه
ريم : بس مصروفنا مال هالشهر ما يكفي ، خله وقت ثـآني
حمد : أفا أنتن تدفعـن وأنا موجود ، أنا الحمدلله أشتغل وعندي رآتب كل شهر ، وأنا أباكن تشترن من فلوسي
بدور : أفا عليك ياخوي مشكور ، بس ما نبا نكلف عليك
حمد : لا كلافه ولاشي ، ها شورآيكن ؟
ريم وبدور سـآكتـآآت ومترددآت
حمد : والله بتزعلني لو ما طلعتن معاي
ريم : خلاص اللي تشوفه
حمد فرح : يلا تجهزن
ريم وبدور : إن شـآء الله
...

العيــن دآر الزيـــن \ في السيـآره ::
بوحمد : شوفن يـآ بنات الجو مغيـم ، إن شاء الله ينزل المطر
أنوآر : يلا يبـه نبـآ نروح مكـآن نقعد فيه فهالجــو
بوحمد : بنــروح العين الفـآيضه ، شي هنـآك استرآحـآت حلوة
أبرار : يلا يا يبــه ، نبـآ نستانس
ولما وصلوا العين الفايضة ، وقفوا باسترآحه من الاسترحـآت ، وفرشوا الحصير ..
بوحمد وسميـرة قاعدين يسولفون ، أما أنوآر وأبرآر قاعدات يطرشن مسجـآت بمبوايلاتهن ..
و علاوي قـآعد يلعب بالألعـآب اللي هنــآآك ..
...

بيت بو سلطان \ في الصـآآله ::
البنات بس في الصالة ( منيرة ، أشجان ، غالية ، أفنـآن )
منيرة : حيـآكن الله بنـآت عمي
غالية : الله يحييج
أشجان : شو الجامعة معاج غلويــه ؟
غالية : والله الحمدلله كل شي على ما يرآآم
أفنان سرحـآآنه وقاعده تفكر
منيرة : وين وصلتي أفنـآن ؟
أفنان تفكر وما تسمع
منيرة : أفنان ، أفنـآن
أفنان : نعــم
منيرة : بمنــو تفكرين ؟
أفنان تغطي على عمرها : أفكر بالدرآسه
غالية بخاطرها : ومن متى تفكرين بالدرآسه ؟!
أشجان : الله يوفقج إن شاء الله

[الشيخه الفلانيه]

روايه جميله
كُل الشكر عَ الأنتقاء
يعطيك الله العافيه
'

[نوارة الكون]

روايه جميله
كُل الشكر عَ الأنتقاء
يعطيك الله العافيه
'

اسعدني مرورج اختي
دمتي في حفظ الرحمن

[نوارة الكون]

الجـزء الخامــس :::
حميد يـآ من الميلس يبا يسير صوب المطبخ وكان لابس :
تي شيرت باللون الأصفر وبنطلـون باللون الأسود ورافع نظـآرته الشمسية اللي كانت باللون الأســود وقال بيوقف يسلم على بنات عمـه ..
أفنـآن لما شـآفته طــآآآر عقلها ، وتخبلت عليه
حميد : السلام عليكم
الكل ما عدا أفنان اللي سرحـآنه فيه : وعليكم السـلام
حميد : شحالج غالية ؟
غالية : الحمدلله بخير
حميد : شخبـآرج أفنـآن ؟
أفنان ما ترد
حميد : شوفيها أفنـآن ؟
غالية تهز أفنان : أفنـآن ، أفنان حميد يكلمج
أفنان : ها ، هلا حميد
حميد : هلا فيج
منيرة : أفنان اليوم كله سرحـآنه وتفكر
حميد : خلاص عيل ، أنا بسير المطبخ
ولما سار حميد ، أفنان : أنا بسير أشرب ماي
في المطبخ / حميد فاتح الثلاجه يطلع له عصير ولما لف تفاجئ بأفنان ورآه
حميد : خير أفنان بغيتي شي ؟
أفنان : هيه كنت أبا شرب مـآي
حميد يطلع لها جيك المـآي : تفضلي
أفنان : مشكور
حميد قعـد على الطاولة ويت أفنان تقعد عدآله ، حميد بخاطره : شو سالفتها هذي ؟
أفنان : حميد شخبـآر الدرآسه معاك ؟
حميد يبتعد عنها شوي : الحمدلله بخير ، ماشي الحال
أفنان : الله يوفقك إن شاء الله
حميد : آمين ، يلا باي أنا بسير
أفنان متضايقة : بـآي
...
في امـارآت مول ::
ريم وبدور دخلـن محل الملابس واشترن بيجـآمـآت للنوم حلوآت ، مع عدة بدلات ثـآنيـآت ، وعقب دخلن محل يبيع اكسسورآت وشبـآصـآت روعه وطبعـاً خذن أحلى شي ، وبعدين دخلن محـل يبيع نعلان واشترن طبعـاً ، مع أشيـآء ثانيـآت وردن البيت
...
حميد طالع يتمشى مع ربيعه رآشد في السيارة
رآشد : هلا والله
حميد : أهلين
رآشد : شوفيك ترد رد بـآيخ ، أهلين [ يعايب عليه ] ، رد شرآ النـآس
حميد : رشود ما فيني على هالسوآلف ألحين خله بعدين
رآشد : أفـآآ حمود زعلان وضـآيق خلقه ، ليش شوفيك ؟
حميد : لما فتحت حق أختي منيرة موضوع ريم عصبت ، ما دري ليش ؟
رآشد : بس على شـآن ريم يضيق خلقك
حميد : أوف ، والله متضايق يمكن ما شوفها بعد جذيه ، هيه مب أي وقت بتيي بيتنا ، وين بلقـآهـآ عـآد ألحين
رآشد : مب قلت إنك وصلتها البيت هيه وأختها ، خلاص عيل دليت بيتهم وأخطبها من أبوها
حميد : بس لازم أعرف رآيها عني قبل ، مب أي شي
رآشد : شكلك بتتعذب مع هالبينه ، ودرهـآ عنك
حميد : مستحيل ، مستحيــل أترك ريم
...
العيــن دآر الزيـــن \ في العين مـول ..
طبعـاً أنوار وأبرآر لفن كل المحلات يشترن ، وبعدين رآح علاوي الـ أكشن زون اللي فالعين مول ، وتــم يلعب وهوه مستـآنس بالألعــآآب ..
...
رجعن ريم وبـدور من المـول ، وفي بيت بوسلطـآن حميد قاعد عند منيرة بغرفتها بعد ما سـآرن بنـآت عمها بيتهم
حميد : منيرة ، سألتي ريم عني ؟
منيرة : اوف ، فالمدرسـه انزين
حميد : متى بيي يوم الأحـد وتسيرين المدرسة ؟
منيرة ضحكت : حميد يحب ويستعيل بعد
ودخل سلطـآن غرفة منيرة
سلطان : ها منور شو سويتي بموضوعي ؟
منيرة : أي موضوع ؟
سلطان : موضوع زوآجي
حميد : يـآ سلام ! سلطان يبا يتزوج ؟ منو هاي سعيدة الحظ ؟
منيرة ما تعرف شو تسوي : لحظة شوي
وخلت سلطان يقعد على يمينها ، وحميد على يسارها ، وهيه في نصهم
منيرة : أبا أخبركم شي
سلطان وحميد : شنو هو ؟
منيرة : منو فيكم قال يبـآ ربيعتي ريم ؟
سلطان وحميد : أنــآآ
وبعدين تم كل وآحد يلف على الثاني ، منيرة قـآمت
منيرة : أنتوا ثنينتكم تبون ربيعتي ريم ؟ شو أسوي أنا ؟
سلطان : بس أنا الكبير و لازم أتزوج ، وهوه بعده يدرس
حميد : بس البنت مب من سنك
سلطان : إنته شو لك ياخي بعدك على الزوآج ؟ وأنا الوالد ملزم علي اتزوج
حميد : انزين تزوج بس ما تاخذ ريم ، خلها بعيدة عنك
سلطان : قلت باخذ ريم يعني بـآخذها
حميد : ما بتاخذها دآم رآسي يشم الهـوآآ
منيرة تصـآرخ : بس سكتــوا ، خلاص عـآد ، ما صار هذا خليت البنيه تيي بيتنا ، يعني شو ما لقيتـوا غير ربيعتي
حميد : انزين منو أول وآحد قال لج يبا ريم ؟
منيرة : إنته
حميد : خلاص عيل أنا بـآخذها
سلطان : ما بتاخذها يعني ما بتـآخذها
منيرة تصـآرخ : طلعوا برع الغرفة ، تضـآربوا برع
ولما طلعوا حميد وسلطان ، منيرة بغرفتها حاطه ايدها على خدها : أوف ، شو أسوي مع هاذيـلا كلهم يبـون ريم ، ويتضاربون على شـآنهـآآ ، ياربي شو أسوي ؟
في صالة بوسلطـآن \ حميد في الصالة يشوف التلفزيون وهوه معصب ، فجأة رن التلفـون
حميد يشل التلفون وهو معصب : ألـــو
ريم مستغربة : ألو ، السـلام عليكم
حميد يتحول الوجه العبوس إلى المبتسم : ريـــــــم ؟؟
ريم متفآجئة : منو يتكلم ؟
حميد : أنا حميـــد
ريم : هلا فيــك
حميد : هلا ، هلا وغـلا
ريم استحت : ممكن أكلم منيرة ؟
حميد ما يدري بنفسه : لا ، أقصـد هيه لحظه ألحين أناديها
حميد ينـآآدي : منيـرة ، منيِّر ، منـــوره
منيرة : كاني ، كاني ألحين بيي
ولما يت شالت منيرة التلفون
منيرة : ألو
ريم : هلا منوره شحالج ؟
منيرة : أهلين ، الحمدلله بخير
ريم : منيرة أبا صفحة وآجب الرياضيات نسيت أسجلها
منيرة : الصفحة اللي ورآ الدرس
ريم : أوكي مشكورة
منيرة : بغيتي شي ثـآني حبيبتي ؟
ريم مترددة : بغيت أسألج سؤآل
منيرة : تفضلي
ريم : ليش حميد كان معصب يوم رآد على التلفون ؟
منيرة : حميـــــد ؟!
ريم : هيه حميـــد
منيرة مب عـآرفه شو تقول : أكيد متضـآرب مع ميود على السوني > خلته ياهل هع
ريم : أهـآ ، خلاص عيل بـآي ، سلمي على الأهل
منيرة : يبلغ إن شاء الله
ريم : باي
منيرة : بــآآي
...
حميد : شو سألت عني ؟
منيرة تستهبل : متى هذآ ؟
حميد : توج جـآن تقولين حميــد
منيرة : هيه كانت تقول ممممم
حميد : شو فيج ؟ لا تألفين كلام قولي الصدق
منيرة : كانت تسأل ليش كنت معصب ؟
حميد فرح : ليش يهمها إذآ عصبت ؟
منيرة : حميد عن هالأسئلة اللي مالها معنى ، البنيه ما يهمها هالأشيـآء
حميد : انزين منـورة وين الأورآق اللي عطيتج إيـآهن أمس ؟
منيرة : سير الغرفة ، بأدرآج الكوميدين
حميد : أوكي
ولمـآ سـآر حميد يشل الأورآق جـآن تطيح ورقـة تحت ، يوم تنآولها ، شاف صورة ريم اللي مصورتنها منيرة يوم كانت بالميك آب ، حميد تخبـل وين ينونــه ، انبهر بجمال هالبنيه ،، خذ الصورة معـآآه ..
...
ولمـآ يـآ وقت الليل ، قعـد حميد في غرفتـه وشـآيل صورة ريم و يتأمل ملامح ويهها
طق طق طق ، طق طق طق " أحـد يدق بـآب الغرفة "
حميد خش الصورة : تفضل
وكـآن أخوه سلطان هوه اللي يـآينه
حميد : ما رقدت للحين ؟
سلطان : هيه
حميد : شو تبـآ ؟
سلطان : أبا أكلمك بالموضوع اللي تضـآربنا اليوم على شـآنه
حميد : موضوع ريم ؟
سلطان : هيه ، أنته تحبهـآ ؟
حميد : وأموت عليها بعـد ، أنا أبـآ أتزوجها
سلطان : وأنا بعـد أبـآهآ ، ياخوي أنا مستعيل أبا أتزوج ، وإنته بعـدك
حميد سـآكت
سلطان : أدري يا خوي إن البنت فخـآطرك ، بس ألحين صعب تدور على بنيه ، وتتعرف عليهـآ وعلى أخلاقها
حميد سـآكت
سلطان : حميد خلاص أنا من بـآجر بخبر الوآلد عنها ، وبقول إن بنسير عند أبوها
حميد : بس كيف تتزوج وحـده وهي فخـآطر أحد ؟
سلطان : حميد مب وقته ، يلا موآآفـــق ؟
...
ريـــم بدلت ملابسها ولبست بجـآمتها ، وأختها بدور بعــد
بدور : الحمدلله هاليـوم رآحــه ، ما شي شغـل على رآسنـآ
ريم : هيه وأنتي الصـآجه ، يوم هنيه عمتي سميرة ما نوقف من الشغل
بدور : تصدقين اليوم أول يوم أدرس فيه أوكي
ريم : صدقتي والله
بدور : يـلا تعالي نشوف الأغرآض اللي اشتريناها اليوم
ريم : يــلا
...
أفنـآن مع أختها غالية بالغرفة
أفنان : أحبـه ، و ما هم قلبي غير رضـآه ، أباه وكل قلبي أمل بلقـآآه
غالية : منو هذآآ ؟؟
أفنان : هـذآ حميد ولد عمـي فديته
غالية : استغفر الله ، عيب هالكلام
أفنـآن : عاد بدت الدآعية غالية بالتفلسف
غالية : لا أنـآ ما أتفلسف ، بس أقول هالكلام ما ينقـآل ، لا تسوين خرآبيط بنات هالزمن ، ترآ نهـآية هالشي التعب ، ألم ، وما بتعيشين مرتـآآحه
أفنان : وليش كل هذا ؟
غالية : أول شي حميد ما يعرف إنج تحبينه ، يعني حب من طرف وآحد ، وبعدين يمكن هوه ما يبـآج ، فبـآله وحده
أفنان : أنا سألته اليوم وقال ما أفكر بوحده
غالية شهقت : وإنتي متى كلمتيه ؟
أفنان : اليوم لما طلع لحقته من الباب الثـآني
غالية : حسبي الله عليج فشلتينا ، ألحين شو بيقول عند الريـآل ؟
أفنان : لا أنا وياه متفـآهمين
غالية : أقولج ارحمي حالج أحسن ، وشليه من بالج
أفنان : مستحيل ، مستحيل أشل حميد من بالي
غالية : الله يهديج يـآ رب ، ويتمم العقل عليج
أفنـآن : ادعي لعمرج أحسن ، حاقره عمرج بهالدآر ، ولا ترفهين عن نفسج من الدرآسه
غالية : الله يعينج حبيبتي على عقلج
أفنان : ويعيني عليج و على خبـآلج ، إنتي ما شفتيه اليوم يهبل
غالية : كل انسان وربي عطآه من الجمال ، بس مب هذا المهم
أفنان : أقول اسكتي أحسن
...
في بيت بوسلطـآن \ سلطان للحين يحاول مع حميد ، منيرة يت تسمعهم من الباب
سلطان : حميد أنا بآخذها ، خلاص أنا مستعيل
حميد سـآكت
سلطان : حميد يلا عاد قول شي ، بعدين يمكن البنت تخطب بسرعه
حميد : بس هيه فخـآطري
سلطان : الله بيعوضك باللي أحسن منها
حميد سـآآكت
سلطان : ها موآآفـــق ؟؟
يـآ ترى هل حميد بيوافق ؟ شكله متردد ؟ و علامة السكوت علامة الرضـآ ، توقعـآتكم ..!

[نوارة الكون]

الجـزء السـآآدس :::

في بيت بوسلطـآن \ سلطان للحين يحاول مع حميد ، منيرة يت تسمعهم من الباب
سلطان : حميد أنا بآخذها ، خلاص أنا مستعيل
حميد سـآكت
سلطان : حميد يلا عاد قول شي ، بعدين يمكن البنت تنخطب بسرعه
حميد : بس هيه فخـآطري
سلطان : الله بيعوضك باللي أحسن منها
حميد سـآآكت
سلطان : ها موآآفـــق ؟؟
حميد بقوة : سلطان خلاص عـآد لا تحشرني فيها ، أنا حطيتها فبـآلي وأنا اللي بـآخذها أوف ، قلت لك بـآخذها أنا ، وهيه من سني ..
سلطان معصب : خلاص بنقول حق منيرة تسألها منو تبـآ ؟
منيرة فتحت البـآب بالقو : مستحيل أقولها منو تبين من خوآني ؟ شو أنتوا ينيتوا ؟ حشـآ عاد من متى ما تبون تتزوجون ، ما تحبون البنات وما تعطونهن ويه ، وشمعنـآ ألحين ينيتوا على ربيعتي ، أتركوها بحـآلها ما يخصكم فيها .. سلطان إنته الكبير وما توقعت عقلك بيكون صغير وبتتضارب مع أخوك على شآن بنيه ، وإنته يا حميد المعجبات يلاحقنك من مكـآن لين مكان ما حطيت عينك إلا على ريم ، إذا أنتوا تبون ريم ، ريــم ما تبـآكم ...
وطلعت وسكرت البـآب بأقوى ما عندها ، طلع سلطان من الغرفة معصب ، حميد قفل الباب و قف ورآ البـآب ويقول
حميد : أحبج يـآريم ، أحبج ، وما بخلي أحد ياخذج عني ، وبسوي المستحيل ، المهم ما تضيعين مني ، أحبج ، أحبــج يـآ ريم
...

في غرفة ريم وبـدور ، ريـم قآمت من الحلم حرآنه وتصب من العرق ، وصـآرخت
بدور : ريم بسم الله عليج شوفيج ؟
ريم بصوت متقطع : حلمت ، حلمـــت
بدور يت تعطيها مـآآي
بدور : هـآ ريم شو حلمتي ؟
ريم : كـآبوس يا بدور الله يعلم شو تفسيره !
بدور تحط رآس أختها في حضنها : سمي بالرحمـن حبيبتي وتوكلي على الله
ريم : إن شـآآء الله
...

في صبـــآآح اليوم التـآآلي ، قامن ريم وبدور كالعـآآده ..
ريم : اليـوم بيرجعون الوآلد وعمتي سميرة والبنـآت ، ولازم ننظف الغرف والبيت كله
بدور : أوكي إنتي نظفي الغرف ، وأنا بنظف الحمـآمات ، وبنتعاون في الصالات والميالس
دخل حمـد الغرفة
حمد : صبــآآح النور
ريم وبدور : صبـآآح الخير
حمد : شحالكن اليوم ؟
ريم : الحمدلله بخير
بدور : تمـآآم
حمد : بعد سـآعه بيي ربيعي سعيـد بنقعد نخلص أورآق للشغل
ريم : بس نحن بنظف البيت
حمد : أوكي خلاص بنيلس تحت المظله فالحديقة
بدور : خلاص أوكي ، تبون شي ؟
حمد : إذا ما عليكن أمر سون كيك وعصير
ريم : أوكي خلاص
حمد : باي
ريم وبـدور : بـآي
ريم سـآرت الصالة تنظف الغبـآر
...

حميد بغرفتـه ::
حميد بخـآطره : أوف ، أبا أسمع صوتها ، أبـآ أكلمها ، بس هذآ حرآم ، أعوذ بالله من بليس ، انزين بس بسمع صوتها وترآ صورتها جدآمي ..
حميد جـآن يتصل لها ، وكانت هيه تنظف الغبار اللي فالصـآله فشـآلت التلفون
ريم : مرحبــآآ
حميد : أهلين ريـــم
ريم : عفواً ، منو يتكلم ؟
حميد متردد : أنا حميـــد
ريم : هلا حميـد ، بغيت شي ؟
حميد بخاطره : بغيت أسمع صوتج
حميد : بس حبيت أتطمن عليج وعلى أختج ، قلت أنتوا بروحكم فالبيت ويمكن محتاجين شي
ريم : أخوي حمـد معانا ومب مقصر معانا بشي ، وكل شي موفر لنا والحمدلله
حميد اختبص : خلاص انزين ، مع السلامة
ريم : مع السـلامة | ريم بسرعه : حميــــد
حميد مب مصدق : لبيــــه
ريم : حميد لا تم تتصل وآيــد ، سوري على هالكـلام ، بس نحن عـآيله محافظه ياويلي لو درآ أحـد من هلي إنك تتصل وتكلمني ، حميد تـأكد إذا بغيت مني شي مب كل مرة تتصل لأن مب أنا بروحي فالبيت ، وإذآ كل مرة بتطلبني أنا ما أرضى بهالشي ، هلي ما يدرون إنك تتصل تسأل محتاجين شي ، بيعتقدون أن بينا علاقه ، حميد أكرر أسفي على الكلام ..
حميد متضايق : صح أنا زودتها شوي يوم أتصل لج زيـآده ، بس هذا من خوفي عليكم
ريم : حميد بليـز لا تزعل ترآني ما قلت إلا الصح
حميد : أوكي خلاص ، بـآي
ريم : بـآي
...

العيــن دآر الزين \ في السيـآآره :::
بوحمـد : مـآ شاء الله ماشـآء الله أنا أحسـد أهل العين عالجـو الحلو ، أحسدهم على أرض الزهـور اللي هم فيهـآآ ..
أنـوآر تغني : العين دآر الزين وردة بـلادي ، قطعة من الجنـة ع أرض الأمـآرآت ، دآر المحبـة والوفـآآ واتحـآدي ..
سميرة : هيه هيه ، صح الله لسـآنج نويــر
أنوآر : يسلمـو ماميتــو
بوحمد : هـآ يا بنيـآت وين تبن ؟
أبرآر : نبـآ نسيرجبـل
بوحمد : الجبـآل المشهورة في العين جبل النقفة وجبـل حفيت ، وين تبغـون ؟
سميرة : اللي تشوفه يـآ بوحمــد
بوحمد : أنا أقول أحسن نسير جبل حفيت ، لأن قبله حديقة المبزرة وهنـآك المكـآن وآيد حلو الأرض خضرآآ وفيه قوآرب في البحيرة ، وأماكن موجود سمج على شـآن تأكلونه ، وفيها حديقة كبيرة يلعب علاوي فيها ، وفيها مـآي حار ، يحطون الناس ريولهم فيه وآآيد حلو ، وفيه بعـد خيـآم وآيد منصوبـآت ، بنقضي يومنا في وحـده منهن وبعدين نسير جبل حفيت
أنوآر: يا سـلآآم شوقتنا يبه نسير هالمكان ، وآيد حلو ! يلا انسيــر
بوحمد : يــلا
...

حميـد في غرفتـه حزين من الكلام اللي سمعـه من ريم ، دخل عليه مـآيد
مايد : هـآ حمود شكلك متضـآيق وكئيب
حميد : ميـود فكنـآ وفـآرج
مايد : ليكون حبيبتك معصبه عليك ؟
حميد يصـآرخ : أي حبيبه ويا ويهك ؟ أنا ما عندي حبيبـآت ، أصلاً ما عندي خرآبيط ، يلا يلا جلب ويهك
مـآيد : لا عـآد لا تطردني ويـآ هالويه ، أنا يايب لك ورده
وجـآن يعطيه الوردة " الوردة صنـآعيه "
مـآيد : يـلا شمهـآ
حميد ع نيـآته جآن يشمها ، أول ما حط حميد الوردة على خشمـه ، مـآيد عصر في خشمه المـآي
حميد يصـآرخ : يلعن شيطـآنك ، طلع من الغرفة لا أجلب الدنيا عليك
مآيد يضحك عليه وجـآن يطلع ، حميد جـآن يرن تلفونه ، شـآله وكان
( صـآحب الروح ، بوسنيــده ) يتصل بك ..
حميد بنبرة حزن : هـلا رشــود
رآشد : أفـآ ، شوهالصـوت ؟ والترحيب البـآيخ
حميد : رشود كلش مب وقته ، شو تبــآآ ؟
رآشد : لا الحـآل ما يرضي ، تعال أبـآ أشوفك ألحين على البحر
حميد : ما فيني ، خله وقت ثـآني
رآشد : لا ألحين تيي
حميد : أوكي
حميد رآح بدل ملابسـه ولبس ::
قميـص باللون الأزرق الفـآتح على بنطـون جنز ، ولبس كـآب لون أسـود ، ونظـآرته الشمسية اللي كـآنت باللون الشفـآف بس منو فوق كانت باللون السمـآوي ، و لبس جوتي سبـورت لون أسود وطلع كشخه ..
...

حمـد وسعيـد بحديقة البيت ::
سعيد : هلا حمــد
حمد : هلا فيــك ، تفضل
سعيد : دآم فضلك ، شحـآلك ؟
حمد : الحمدلله بخيــر
سعيد : هـآذيلا الأورآق يلا نشتغل
حمد : أوكي هـآتهم
...

ريم لبسـت كندورة باللون الأخضر وعليها وردود مرسـومـآت بخط ضعيف ، وشكلهم روعـه ، أما شيلتها فكـآنت أخضر فـآتح وعليه تقريبـاً مثل تشكيلة الكندورة ، و أما جمـآآلهـآآ عذآآآب ..
المهم ، سـآرت المطبخ وطلعت الكيك و العصير من الثلاجـه ، وسارت صوب الحديقة على شـآن تعطي حمد الصينية ..
ريم تنادي : حمـــد ، حمــــد
حمد يلف : ياي ياي
ولمـآ لف سعيد وشـآآف ريم ين ينونــه عليها مع إنها مب مطلعه ولا شعره من شعرهـآ ، سعيد فخاطره : إنتي ألحين قذلتج مب مظهرتنها جيه ، عيل لو طـآلعه كيف بتصيرين ؟؟؟
حمد : تفضل
سعيد سرحـآآن
حمد : سعيد تفضل
سعيد خذ صحن كيك ، و قلاس العصير ..
سعيد : حمد هذي منو ؟
حمد : هذي أختي
سعيد : أهـآ ، مخطوبة ؟
حمد : لا ، بس ليش تسأل ؟
سعيد : لو تقدم لها وآحـد بيرفضه الوآلد ؟
حمد : والله على حسـب ، ليش يت ع ـبـآلك ؟
سعيد : صرآحه ما بستحي منك ، وبقول الصـدق
حمد : قـول
سعيد : أنا أبـآ أتقدم لها ، شرآيك إنته ؟
حمد : عاد هيه ما بتلقى وآحد أحسن من ربيعي سعـوود
سعيد : تسلملي والله ، تعيبني ، انزين مهـد حق الوالد الموضوع وكلمه عني
حمد : إنته آمر بس من عيـوني ، بس لمـآ ألقى وقت إن شاء الله
سعيد سرحآن : يـآخي والله إنهـآآ عذآآآب
حمد : إيه ، لا تقول جيه ، يوم بتملج عليها قول اللي تقوله
سعيد يتطنز : حـآضر استـآذ حمد

...
ريم وبـدور بعد ما خلصوا ترتيب البيت ::
بدور : ريم هم بيون على المغرب ، لازم العشـآ يكون جـآهز
ريم : أنا ألحين بسير المطبخ وبجهز للعشـآ ، بس ..
بدور : بس شنـو ؟
ريم : البيت ناقصنه أغرآض وآيد
بدور : هيه صح ، حتى أدوآت التنظيف قربت تخلص
ريم : والحل ؟ ألحين الظهر وما بقى وقت
بدور : انقول حق حمد يودينا السوبر مـآركت
ريم : أوكي ، سيري قولي له هوه فالحديقة
..

سـآرت بدور الحديقة ::
بدور : حمد ممكن تيي شوي ؟
حمد : لحظـه سعيد ، بسير أشوفها
سعيد : أوكي
بدور : حمد البيت ناقص منه أغرآض وآيد ، إذا ما عليك كلافـه وصلنـآ السوبر ماركت
حمد : بس ألحين عندي شغل ، قولي حق السايق يوصلكم
بدور : أوكي
...

حميــد على البحــر مع ربيعه رآآشــــد ::
حميد يشوف البحر : شو أقول لك يـآ رآشد ؟ تقول أونـه لازم ما تتصل وآيد وأنا ما أقدر
رآشد : اثقل ، اثقل يا ريـآل عيب عليك
حميد : من يوم يت ريم فبـآلي وأنا معتفس ، أتعب ، أتآلم ، أفكر
رآشد : يقول لك رآشد الماجد بلا حب بلا وجع قلب ، وش جـآنا من ورآ هالحب غير الألم غير التعب وش جـآنـآآ ؟
حميد يرن تلفونه ( بيتنــآآ ، يتصل بك )
حميد : ألــو
منيرة : حميد تقول الوآلدة اييب عصـآير و دريم ويب من السوبر مـآركت
حميد : أوف ، ليش بعـد ؟
منيرة : بيونا ضيوف
حميد : أوكي ، بـآآي
منيرة : بآي
...

حميد : رشـود خلاص وين بشوفها بعدين عـآد ؟
رآشد : خلاص حمود لا تحشرنا فيها ، عاد حبيت حد بتحشرنـآ ؟
حميد : بقول لك شي بس لا تخبر أحـد
رآشد : قول
حميد : أنا لقيت صورتها في غرفة أختي منيرة وشليتها
رآشد شهق : حمود رد الصورة الله يخليك مكانها ، البنيه وكرآمتها ، عيب عليك والله تـآخذها ، ألحين لو أختك منيرة أحد خذ صورتها شو بتسوي ؟
حميد : صورتها هيه الأمل الوحيد اللي أشوفها من خلالها
رآشد : يـآ ربي حمود تخبل تخبــل
حميد : جب وياويهك ، ألحين لو تحب ما بتخلي شي ما بتسويه
رآشد ضحك
حميد : شفت ويهالشيفه ، أنا بسير ، بغيت شي ؟
رآشد بعده يضحك : بغيت ريم
حميد يصفع رآشد مزح : فأحلآآمك الورديه ، ريم ملكــي أنـآآ ..
شو بيصير في السوبر مـآركت ؟
ألحين المنـآفسه على ريم أصبحت ثلاثية ( حميد ، سلطان ، سعيد ) والله أعلم !





الجـزء السـآآدس :::

في بيت بوسلطـآن \ سلطان للحين يحاول مع حميد ، منيرة يت تسمعهم من الباب
سلطان : حميد أنا بآخذها ، خلاص أنا مستعيل
حميد سـآكت
سلطان : حميد يلا عاد قول شي ، بعدين يمكن البنت تنخطب بسرعه
حميد : بس هيه فخـآطري
سلطان : الله بيعوضك باللي أحسن منها
حميد سـآآكت
سلطان : ها موآآفـــق ؟؟
حميد بقوة : سلطان خلاص عـآد لا تحشرني فيها ، أنا حطيتها فبـآلي وأنا اللي بـآخذها أوف ، قلت لك بـآخذها أنا ، وهيه من سني ..
سلطان معصب : خلاص بنقول حق منيرة تسألها منو تبـآ ؟
منيرة فتحت البـآب بالقو : مستحيل أقولها منو تبين من خوآني ؟ شو أنتوا ينيتوا ؟ حشـآ عاد من متى ما تبون تتزوجون ، ما تحبون البنات وما تعطونهن ويه ، وشمعنـآ ألحين ينيتوا على ربيعتي ، أتركوها بحـآلها ما يخصكم فيها .. سلطان إنته الكبير وما توقعت عقلك بيكون صغير وبتتضارب مع أخوك على شآن بنيه ، وإنته يا حميد المعجبات يلاحقنك من مكـآن لين مكان ما حطيت عينك إلا على ريم ، إذا أنتوا تبون ريم ، ريــم ما تبـآكم ...
وطلعت وسكرت البـآب بأقوى ما عندها ، طلع سلطان من الغرفة معصب ، حميد قفل الباب و قف ورآ البـآب ويقول
حميد : أحبج يـآريم ، أحبج ، وما بخلي أحد ياخذج عني ، وبسوي المستحيل ، المهم ما تضيعين مني ، أحبج ، أحبــج يـآ ريم
...

في غرفة ريم وبـدور ، ريـم قآمت من الحلم حرآنه وتصب من العرق ، وصـآرخت
بدور : ريم بسم الله عليج شوفيج ؟
ريم بصوت متقطع : حلمت ، حلمـــت
بدور يت تعطيها مـآآي
بدور : هـآ ريم شو حلمتي ؟
ريم : كـآبوس يا بدور الله يعلم شو تفسيره !
بدور تحط رآس أختها في حضنها : سمي بالرحمـن حبيبتي وتوكلي على الله
ريم : إن شـآآء الله
...

في صبـــآآح اليوم التـآآلي ، قامن ريم وبدور كالعـآآده ..
ريم : اليـوم بيرجعون الوآلد وعمتي سميرة والبنـآت ، ولازم ننظف الغرف والبيت كله
بدور : أوكي إنتي نظفي الغرف ، وأنا بنظف الحمـآمات ، وبنتعاون في الصالات والميالس
دخل حمـد الغرفة
حمد : صبــآآح النور
ريم وبدور : صبـآآح الخير
حمد : شحالكن اليوم ؟
ريم : الحمدلله بخير
بدور : تمـآآم
حمد : بعد سـآعه بيي ربيعي سعيـد بنقعد نخلص أورآق للشغل
ريم : بس نحن بنظف البيت
حمد : أوكي خلاص بنيلس تحت المظله فالحديقة
بدور : خلاص أوكي ، تبون شي ؟
حمد : إذا ما عليكن أمر سون كيك وعصير
ريم : أوكي خلاص
حمد : باي
ريم وبـدور : بـآي
ريم سـآرت الصالة تنظف الغبـآر
...

حميد بغرفتـه ::
حميد بخـآطره : أوف ، أبا أسمع صوتها ، أبـآ أكلمها ، بس هذآ حرآم ، أعوذ بالله من بليس ، انزين بس بسمع صوتها وترآ صورتها جدآمي ..
حميد جـآن يتصل لها ، وكانت هيه تنظف الغبار اللي فالصـآله فشـآلت التلفون
ريم : مرحبــآآ
حميد : أهلين ريـــم
ريم : عفواً ، منو يتكلم ؟
حميد متردد : أنا حميـــد
ريم : هلا حميـد ، بغيت شي ؟
حميد بخاطره : بغيت أسمع صوتج
حميد : بس حبيت أتطمن عليج وعلى أختج ، قلت أنتوا بروحكم فالبيت ويمكن محتاجين شي
ريم : أخوي حمـد معانا ومب مقصر معانا بشي ، وكل شي موفر لنا والحمدلله
حميد اختبص : خلاص انزين ، مع السلامة
ريم : مع السـلامة | ريم بسرعه : حميــــد
حميد مب مصدق : لبيــــه
ريم : حميد لا تم تتصل وآيــد ، سوري على هالكـلام ، بس نحن عـآيله محافظه ياويلي لو درآ أحـد من هلي إنك تتصل وتكلمني ، حميد تـأكد إذا بغيت مني شي مب كل مرة تتصل لأن مب أنا بروحي فالبيت ، وإذآ كل مرة بتطلبني أنا ما أرضى بهالشي ، هلي ما يدرون إنك تتصل تسأل محتاجين شي ، بيعتقدون أن بينا علاقه ، حميد أكرر أسفي على الكلام ..
حميد متضايق : صح أنا زودتها شوي يوم أتصل لج زيـآده ، بس هذا من خوفي عليكم
ريم : حميد بليـز لا تزعل ترآني ما قلت إلا الصح
حميد : أوكي خلاص ، بـآي
ريم : بـآي
...

العيــن دآر الزين \ في السيـآآره :::
بوحمـد : مـآ شاء الله ماشـآء الله أنا أحسـد أهل العين عالجـو الحلو ، أحسدهم على أرض الزهـور اللي هم فيهـآآ ..
أنـوآر تغني : العين دآر الزين وردة بـلادي ، قطعة من الجنـة ع أرض الأمـآرآت ، دآر المحبـة والوفـآآ واتحـآدي ..
سميرة : هيه هيه ، صح الله لسـآنج نويــر
أنوآر : يسلمـو ماميتــو
بوحمد : هـآ يا بنيـآت وين تبن ؟
أبرآر : نبـآ نسيرجبـل
بوحمد : الجبـآل المشهورة في العين جبل النقفة وجبـل حفيت ، وين تبغـون ؟
سميرة : اللي تشوفه يـآ بوحمــد
بوحمد : أنا أقول أحسن نسير جبل حفيت ، لأن قبله حديقة المبزرة وهنـآك المكـآن وآيد حلو الأرض خضرآآ وفيه قوآرب في البحيرة ، وأماكن موجود سمج على شـآن تأكلونه ، وفيها حديقة كبيرة يلعب علاوي فيها ، وفيها مـآي حار ، يحطون الناس ريولهم فيه وآآيد حلو ، وفيه بعـد خيـآم وآيد منصوبـآت ، بنقضي يومنا في وحـده منهن وبعدين نسير جبل حفيت
أنوآر: يا سـلآآم شوقتنا يبه نسير هالمكان ، وآيد حلو ! يلا انسيــر
بوحمد : يــلا
...

حميـد في غرفتـه حزين من الكلام اللي سمعـه من ريم ، دخل عليه مـآيد
مايد : هـآ حمود شكلك متضـآيق وكئيب
حميد : ميـود فكنـآ وفـآرج
مايد : ليكون حبيبتك معصبه عليك ؟
حميد يصـآرخ : أي حبيبه ويا ويهك ؟ أنا ما عندي حبيبـآت ، أصلاً ما عندي خرآبيط ، يلا يلا جلب ويهك
مـآيد : لا عـآد لا تطردني ويـآ هالويه ، أنا يايب لك ورده
وجـآن يعطيه الوردة " الوردة صنـآعيه "
مـآيد : يـلا شمهـآ
حميد ع نيـآته جآن يشمها ، أول ما حط حميد الوردة على خشمـه ، مـآيد عصر في خشمه المـآي
حميد يصـآرخ : يلعن شيطـآنك ، طلع من الغرفة لا أجلب الدنيا عليك
مآيد يضحك عليه وجـآن يطلع ، حميد جـآن يرن تلفونه ، شـآله وكان
( صـآحب الروح ، بوسنيــده ) يتصل بك ..
حميد بنبرة حزن : هـلا رشــود
رآشد : أفـآ ، شوهالصـوت ؟ والترحيب البـآيخ
حميد : رشود كلش مب وقته ، شو تبــآآ ؟
رآشد : لا الحـآل ما يرضي ، تعال أبـآ أشوفك ألحين على البحر
حميد : ما فيني ، خله وقت ثـآني
رآشد : لا ألحين تيي
حميد : أوكي
حميد رآح بدل ملابسـه ولبس ::
قميـص باللون الأزرق الفـآتح على بنطـون جنز ، ولبس كـآب لون أسـود ، ونظـآرته الشمسية اللي كـآنت باللون الشفـآف بس منو فوق كانت باللون السمـآوي ، و لبس جوتي سبـورت لون أسود وطلع كشخه ..
...

حمـد وسعيـد بحديقة البيت ::
سعيد : هلا حمــد
حمد : هلا فيــك ، تفضل
سعيد : دآم فضلك ، شحـآلك ؟
حمد : الحمدلله بخيــر
سعيد : هـآذيلا الأورآق يلا نشتغل
حمد : أوكي هـآتهم
...

ريم لبسـت كندورة باللون الأخضر وعليها وردود مرسـومـآت بخط ضعيف ، وشكلهم روعـه ، أما شيلتها فكـآنت أخضر فـآتح وعليه تقريبـاً مثل تشكيلة الكندورة ، و أما جمـآآلهـآآ عذآآآب ..
المهم ، سـآرت المطبخ وطلعت الكيك و العصير من الثلاجـه ، وسارت صوب الحديقة على شـآن تعطي حمد الصينية ..
ريم تنادي : حمـــد ، حمــــد
حمد يلف : ياي ياي
ولمـآ لف سعيد وشـآآف ريم ين ينونــه عليها مع إنها مب مطلعه ولا شعره من شعرهـآ ، سعيد فخاطره : إنتي ألحين قذلتج مب مظهرتنها جيه ، عيل لو طـآلعه كيف بتصيرين ؟؟؟
حمد : تفضل
سعيد سرحـآآن
حمد : سعيد تفضل
سعيد خذ صحن كيك ، و قلاس العصير ..
سعيد : حمد هذي منو ؟
حمد : هذي أختي
سعيد : أهـآ ، مخطوبة ؟
حمد : لا ، بس ليش تسأل ؟
سعيد : لو تقدم لها وآحـد بيرفضه الوآلد ؟
حمد : والله على حسـب ، ليش يت ع ـبـآلك ؟
سعيد : صرآحه ما بستحي منك ، وبقول الصـدق
حمد : قـول
سعيد : أنا أبـآ أتقدم لها ، شرآيك إنته ؟
حمد : عاد هيه ما بتلقى وآحد أحسن من ربيعي سعـوود
سعيد : تسلملي والله ، تعيبني ، انزين مهـد حق الوالد الموضوع وكلمه عني
حمد : إنته آمر بس من عيـوني ، بس لمـآ ألقى وقت إن شاء الله
سعيد سرحآن : يـآخي والله إنهـآآ عذآآآب
حمد : إيه ، لا تقول جيه ، يوم بتملج عليها قول اللي تقوله
سعيد يتطنز : حـآضر استـآذ حمد

...
ريم وبـدور بعد ما خلصوا ترتيب البيت ::
بدور : ريم هم بيون على المغرب ، لازم العشـآ يكون جـآهز
ريم : أنا ألحين بسير المطبخ وبجهز للعشـآ ، بس ..
بدور : بس شنـو ؟
ريم : البيت ناقصنه أغرآض وآيد
بدور : هيه صح ، حتى أدوآت التنظيف قربت تخلص
ريم : والحل ؟ ألحين الظهر وما بقى وقت
بدور : انقول حق حمد يودينا السوبر مـآركت
ريم : أوكي ، سيري قولي له هوه فالحديقة
..

سـآرت بدور الحديقة ::
بدور : حمد ممكن تيي شوي ؟
حمد : لحظـه سعيد ، بسير أشوفها
سعيد : أوكي
بدور : حمد البيت ناقص منه أغرآض وآيد ، إذا ما عليك كلافـه وصلنـآ السوبر ماركت
حمد : بس ألحين عندي شغل ، قولي حق السايق يوصلكم
بدور : أوكي
...

حميــد على البحــر مع ربيعه رآآشــــد ::
حميد يشوف البحر : شو أقول لك يـآ رآشد ؟ تقول أونـه لازم ما تتصل وآيد وأنا ما أقدر
رآشد : اثقل ، اثقل يا ريـآل عيب عليك
حميد : من يوم يت ريم فبـآلي وأنا معتفس ، أتعب ، أتآلم ، أفكر
رآشد : يقول لك رآشد الماجد بلا حب بلا وجع قلب ، وش جـآنا من ورآ هالحب غير الألم غير التعب وش جـآنـآآ ؟
حميد يرن تلفونه ( بيتنــآآ ، يتصل بك )
حميد : ألــو
منيرة : حميد تقول الوآلدة اييب عصـآير و دريم ويب من السوبر مـآركت
حميد : أوف ، ليش بعـد ؟
منيرة : بيونا ضيوف
حميد : أوكي ، بـآآي
منيرة : بآي
...

حميد : رشـود خلاص وين بشوفها بعدين عـآد ؟
رآشد : خلاص حمود لا تحشرنا فيها ، عاد حبيت حد بتحشرنـآ ؟
حميد : بقول لك شي بس لا تخبر أحـد
رآشد : قول
حميد : أنا لقيت صورتها في غرفة أختي منيرة وشليتها
رآشد شهق : حمود رد الصورة الله يخليك مكانها ، البنيه وكرآمتها ، عيب عليك والله تـآخذها ، ألحين لو أختك منيرة أحد خذ صورتها شو بتسوي ؟
حميد : صورتها هيه الأمل الوحيد اللي أشوفها من خلالها
رآشد : يـآ ربي حمود تخبل تخبــل
حميد : جب وياويهك ، ألحين لو تحب ما بتخلي شي ما بتسويه
رآشد ضحك
حميد : شفت ويهالشيفه ، أنا بسير ، بغيت شي ؟
رآشد بعده يضحك : بغيت ريم
حميد يصفع رآشد مزح : فأحلآآمك الورديه ، ريم ملكــي أنـآآ ..
شو بيصير في السوبر مـآركت ؟
ألحين المنـآفسه على ريم أصبحت ثلاثية ( حميد ، سلطان ، سعيد ) والله أعلم !

[حنااايا..الروح]

رواية كل جزء فيها يشوق اكثر م الثاني
الاحداث تتعقد وريم ما يندرى شو بيكون مصيرها وسط هالقلوب الحائرة بهيامها
واصلي نوارة
متابعين وننتظر الجديد