اسأل الله العظيم رب العرش العظيم ان يمد بجسد والدك بالصحه والعافيه وأن يشفيه شفاء لا يغادره سقم ..المشاركة الأصلية كتبت بواسطة العيون الساهرة
مساء الخير بتوقيتي
وصباح الخير لنائمين منذ ساعات
شكرا لصاحبه الرساله الجميله " أموره (ورجعتي للإدارة وصاير معرفج كاشخ باللون ههه" يمكن ماتوقعت في احد يتذكرني ( قلت يمكن ضربهم زهايمر ) بس اشوه في احد صاحي للحين
المهم
وايد أشياء صارت وعفست الحياه فوق وتحت وفي أشياء مادري وش وضعها بس الحمدلله على كل حال
خلصت اختبارات وطلعن الدرجات يمكن مامثل ماكنت مخططه بس الحمدلله يمكن خيره
مادري باخر فتره اختبارات يجيني إحساس وماقدر اركز مادري شو هذا وكيف اوصفه ومن غير الحرقه والي تمت أسابيع لحد مارجعت البيت ورحت المستشفى حاولت اضغط على نفسي واكون اقوى
ومسكت روحي وايد وجلست اذاكر وارجعه يمكن كل ماده 6 مرات مذاكرتلها للفاينل تتخيلوا مواد العلوم وكيف دسمات يادوب البنات مره او مرتين بس من رحت الاختبار مادري شقول بس كانه حد مسح كل شي بمخي يعني كانه فرمته جلست أقول شهالرسمه وين هالكلام هالتعريف من أي شبتر حاولت اقري المعوذات والاذكار ماعرفت شسوي توهقت وايد حليت الا كذي وطلعت ( على قولتهم يمكن شديت حيلي وايد)
عقب اليوم الي بعده الاختبار الثاني عادي كنت احل واصله نص الاختبار والا فجأه ذاك الألم الفضيع وحرقان بكل جسمي ماقدرت اكمله وهو ساعتين يمكن حتى ساعه ماكملتها مع انه كنت اقدر احل اكثر بس ماعرف والله
محتاجه افضفض قلت بدش هني شويه
وشي محزن جدا جدا شغالتنا سافره في الوقت الغلط فيس يصيح
الحمدلله على كل حال
المهم والاهم من كل شي أي شخص يطوف هني يدعي لابوي بالشفاء العاجل والله يفرحنا بشوفته مثل قبل واحسن
أذهب البأس ربّ النّاس، واشفِ وأنت الشّافي، لا شفاء إلّا شفاؤك، شفاءً لا يغادر سقماً. أذهب البأس ربّ النّاس، بيدك الشّفاء، ولا كاشف له إلّا أنت يا ربّ العالمين، آمين. اللهمّ إنّي أسألك من عظيم لطفك، وكرمك، وسترك الجميل، أن تشفي ابي وتمدّه بالصّحة والعافية. اللهمّ لا ملجأ ولا منجا منك إلّا إليك، إنّك على كلّ شيءٍ قدير
امين يارب ❤
